(ටී.කේ.ජී.කපිල )

රුපියල් ලක්ෂ පහළොවක් වටිනා විදේශීය නිෂ්පාදිත දුම්වැටි තොගයක් , නීතිවිරෝධී ලෙස මෙරටට රැගෙන විත් , ඒවා කටුනායක ගුවන් තොටුපොළෙන් පිට කර ගෙන යමින් සිටි ශ්‍රී ලාංකික ගුවන් මගියෙකු ගුවන් තොටුපොළ පොලීසියේ නිලධාරීන් පිරිසක් විසින් අත් අඩංගුවට ගෙන තිබේ .

කුරුණෑගල ප්‍රදේශයේ පදිංචි 41 හැවිරිදි , මොහු ව්‍යාපාරිකයෙකි .

 මොහු  ඊයේ(22 ) දින මධ්‍යම රාත්‍රී 11.00 ට ඩුබායි සිට එමිරේට්ස් ගුවන් සේවයේ ඊ.කේ.- 648 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබුණි .

ඔහු විසින් රැගෙන ආ ගමන් මලු තුළ විදේශීය නිෂ්පාදිත දුම්වැටි 10,000 ක් අඩංගු දුම්වැටි කාටූන් 50  ක් සගවා ගෙන සිටියදී ගුවන් තොටුපොළ පොලීසියේ නිලධාරීන් විසින් අත් අඩංගුවට ගෙන තිබේ .