(බිමල් ශ්‍යාමන් ජයසිංහ )

ජාතික ඖෂධ නියාමන අධිකාරියේ ප්‍රධාන විධායක නිලධාරී  වෛද්‍ය ෂවීන් සේමගේ මහතාගේ පිළියන්දල පැළැන්වත්ත නිවසට නාඳුනන  පුද්ගලයන් දෙදෙනෙකු ඇතුළු වී ඇතැයි පොාලීසිය කියයි.

මේ  සම්බන්ධයෙන් දුරකථන තාක්ෂණය ද සම්බන්ධ කරගනිමින් පැති කීපයක් ඔස්සේ විමර්ශන සිදු කරන බව උසස් පොලිස් නිලධාරියෙක් පැවසීය.

ඉකුත් 9  වෙනි දින  මධ්‍යම රාත්‍රියේදී එම පුද්ගලයන් නිවසට ඇතුළු වී තිබිණි .

 එම පුද්ගලයන් දෙදෙනා විධායක නිලධාරීවරයා නිදා සිටි කාමරයට එබී බලා විනාඩි දෙකක පමණ කාලයේදී නිවෙසින් පිටවී යන අයුරු   නිවසේ සවිකර තිබෙන  සීසිටීවී කැමරාවේ ද සටහන්ව තිබිණි.

එම පුද්ගලයන් නිවස කරා පැමිණ ජනේලයේ විවෘත කරන අන්දම හා යකඩ රාමුව ගලවා නිවස තුළට පැමිණෙන අන්දම නිවසේ සවිකර තිබෙන සි සි ටිවි කැමරාවේ ද  සටහන්ව ඇතැයිද පොලිසියේ සඳහන්කරයි.

එලෙස පැමිනි පුද්ගලයන් දෙදෙනා විධායක නිලධාරීවරයාට තර්ජනය කිරීමක් හෝ නිවසේ කිසිදු වටිනා දේපළක හෝ ලිපි ලේඛනයක් රැගෙන යාමක් සිදු නොකර තිබූ බව පොලිසිය කියයි.