ඉන්දික හේවාවිතාරණ
ඉන්ධන මත සියයට 18 ක වැට් බදු පනවන දින සිට බස් ගාස්තු, ත්රිරෝද රථ, පාසල් ප්රවාහන රථ, ලොරි රථ හා බහාලුම් රථ, කාර්යාල සේවා රථ හා බවුසර් රථ ගාස්තු ඉහළ දැමීමට තීරණය කර තිබෙන බව ප්රවාහන වෘත්තීය සංගම් සඳහන් කරයි.
වැට් බදු ඉන්ධනවලට අමතරව බස් රථ අමතර කොටස්වලට හා බස් රථ ගෙන්වීමෙහිදීත් ගෙවීමට සිදුව තිබෙන බවත්, මේ නිසා ඉන්ධන මත වැට් බදු පනවන දින සිට බස් ගාස්තු ඉහළ දමන ලෙසට මේ මස 20 දා ජාතික ගමනාගමන කොමිෂමෙන් ලිඛිතව ඉල්ලා සිටීමට කටයුතු කරන බවද එකාබද්ධ ප්රවාහන මධ්යස්ථානයේ සභාපති සම්පත් රණසිංහ මහතා සඳහන් කළේය.
සෑම වසරකම ජූලි 01 දා බස් ගාස්තු සංශෝධනයක් සිදුකරන බවත්, මේ අනුව ජනවාරි 01 දා සිට ඉන්ධන මත වැට් බදු පැනවීමට කටයුතු කළ හොත් ජූලි 01 දා සිදුවන බස්ගාස්තු සංශෝධනයක් ආකාරයටම මෙවර ජනවාරි 01දා සිට ගාස්තු සංශෝධනයක් අවශ්ය බවත්, මේ නිසා අදාළ ඉල්ලීම් ජාතික ගමනා ගමන කොමිසමෙන් ඉල්ලා සිටින බවත් ඒ මහතා කියා සිටියේය.
අනෙකුත් ප්රවාහන ගාස්තු ඉහළ දැමීමට අදාළ තීරණ රථ හිමියන්ට හා වෘත්තීය සමිතිවලට ගැනීමේ හැකියාව තිබෙන නිසා ඉන්ධන මත වැට් බද්ද පනවන දින සිට ත්රිරෝද රථ, පාසල් ප්රවාහන රථ, ලොරි රථ හා බහාලුම් රථ, කාර්යාල සේවා රථ හා බවුසර් රථ ගාස්තු ඉහළ දැමීමට සැලසුම් කර තිබෙන බවත්, බස් ගාස්තු හැර අනෙකුත් සෑම ප්රවාහන ගාස්තුවක්ම සියයට10 වැඩි මුදලකින් ඉහළ යන බවත් හෙතෙම පැවසීය.
මේ අනුව අවම බස් ගාස්තුව රු. 30- රු.40 දක්වා රු.10 කින් හෝ ඊට වැඩි මුදලකින් ඉහළ දැමීමට බලධාරීන්ට සිදුවන බව සමස්ත ලංකා පෞද්ගලික බස්රථ හිමියන්ගේ සංගමය සඳහන් කරයි.
එතැන් පටන් ගාස්තුව සියයට20 කින් පමණ ඉහළ යා යුතු බවත්, වැට් බද්ද බස් රථ ගෙන්වීමෙහි දී හා අමතර කොටස් මිල දී ගැනීමේදීත් ලිහිසි තෙල් මිල දී ගැනීමේදීත් ගෙවීමට සිදුවන බවත් එම සංගමයේ ප්රධාන ලේකම් අංජන ප්රියංජිත් මහතා සඳහන් කළේය.
පාස්කු ඉරු දින ප්රහාරය සම්බන්ධයෙන් පමණක් පාර්ලිමේන්තු විවාද එකොළහක් පසුගිය වසර තුන ඇතුළත පවත්වා ඇතැයි වාර්තා වේ.
කොවිඩ් 19 වසංගතයෙන් පසු ඇති වූ ආර්ථික අර්බුදය හේතුවෙන් ලංකාවෙන් 2022 වසරේ සිට 2024 අප්රේල් මාසය දක්වා 692,461 ක් රැකියා සඳහා විදේශගත වී ඇති බව විදේශ සේවා නියුක්ත
කල්පිටියේ දූපත් පහක් බද්දට ගත් ආයෝජකයන් පස් දෙනකු රුපියල් හය කෝටියකට ආසන්න බදු මුදලක් සංචාරක සංවර්ධන අධිකාරියට ගෙවීම පැහැර හැර ඇතැයි ජාතික විගණන කාර
යෝජිත විදුලිබල පනත් කෙටුම්පත පාර්ලිමේන්තුවේ සම්මත වුවහොත් විදුලිබල මණ්ඩලය සතු රුපියල් ට්රිලියනයකට අධික වටිනා සම්පත්වලින් සියයට හැත්තෑපහකට ආසන්න
1958 අංක 15 දරණ සේවක අර්ථසාධක අරමුදල් පනත සංශෝධනය කිරීම සඳහා තමන් විසින් පාර්ලිමේන්තුවට ඉදිරිපත් කරන ලද පෞද්ගලික මන්ත්රී පනත් කෙටුම්පත සම්මත කර ගැනීමට හ
ඊශ්රායලය විසින් ඉරානයට එල්ල කෙරුණු ප්රහාරය සමග ඉදිරියට ද ගැටුම්කාරී තත්වය තවදුරටත් වර්ධනය වුවහොත් එරට සමග සෘජුව සහ වක්රව ගනුදෙනු කරන ශ්රී ලංකාවේ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වැට් බදු පනවන දා සිට බස් ගාස්තු ඉහළ දැමීමේ ඉල්ලීමක්