IMG-LOGO

2025 දෙසැම්බර් මස 01 වන සඳුදා


ලසන්ත ඝාතන පරීක්ෂණ තවම අවසන් නෑ - නීතිපති

ලසන්ත වික්‍රමතුංග ඝාතනයේ සැකකරුවන් නිදොස් කිරීමක් සම්බන්ධයෙන් ඇතිවූ විරෝධතාව සහ ජනමාධ්‍ය හා සමාජ මාධ්‍යවල පළවූ කරුණු පිළිබඳ පැහැදිලි කරමින් නීතිපති දෙපාර්තමේන්තුව මාධ්‍ය නිවේදනයක් නිකුත් කර තිබේ.
ගල්කිස්ස මහාධිකරණයේ නඩු අංක බී 92/2009 නඩුකරයට අදාළව නීතිපතිවරයා විසින් 2025.01.27 දිනැතිව අපරාධ පරීක්ෂණ දෙපාර්තමේන්තුව වෙත යොමු කරනු ලැබ ඇති ලිපියෙහි නම සඳහන් සැකකරුවන් ලසන්ත වික්‍රමතුංග ඝාතනයේ සැකකරුවන් නොවන බවත් ලසන්ත වික්‍රමතුංග ඝාතන පරීක්ෂණ තවම අවසන්ව නැති බවත් එහි සඳහන් වෙයි.

නිවේදනයෙහි මෙසේ ද දැක්වෙයි.
”‍මාධ්‍යවේදී ලසන්න වික්‍රමතුංග ඝාතනය වී වසර 6කට පසු ව එනම් 2015 වර්ෂයේ එම ඝාතනයේ ඇසින් දුටු සාක්ෂිකරුවෙකු නොවන ඔහුගේ රියැදුරු අපරාධ පරීක්ෂණ දෙපාර්තමේන්තුවට නැවත ප්‍රකාශයක් දෙන අතරවාරයේ යම් පිරිසක් විසින් 2009 වසර අගභාගයේදී තමා පැහැරගත් බවට දැනුම් දී ඇත.
එම දැනුම් දීම මත විමර්ශනයක් ආරම්භ කරමින් ඒ වන විට ගල්කිස්ස මහේස්ත්‍රාත් අධිකරණය ඉදිරියේ කැඳවූ නඩු අංක බී 92/2009 යටතේම කරුණු වාර්තා කිරීමට පියවර ගෙන ඇත. එම විමර්ශනයේදී සැකකරුවෙකු ලෙස නම් කරන ලද ප්‍රේම් ආනන්ද උදලාගම යන අය ඉදිරිපත්වූ කරුණු අනුව සහ එම හඳුනා ගැනීම සම්බන්ධයෙන් උද්ගත වූ නෛතික දුර්වලතා හේතුකොටගෙන අපරාධ චෝදනා ගොනු කිරීමට තරම් ප්‍රමාණවත් සාක්ෂි නොමැතිවීම මත නිදහස් කරන ලදී.
තවද ලසන්ත වික්‍රමතුංග ධාවනය කළ වාහනයේ තිබූ ලේඛනයක් අස්ථානගතවීම සම්බන්ධයෙන් අපරාධ පරීක්ෂණ දෙපාර්තමේන්තුව විසින් සිදු කරන ලද විමර්ශනයේදී අත්අඩංගුවට ගත් පහත නම් සඳහන් සැකකරුවන් 
1. හෙට්ටිආරච්චිගේ දොන් නිත්සිරි සුගතපාල
2. විතාරණ ආරච්චිගේ සිරිමෙවන් ප්‍රසන්න නානායක්කාර
අපරාධ චෝදනා ගොනු කිරීමට ප්‍රමාණවත් සාක්ෂි නොමැති වීම මත නිදහස් කිරීමට ද තීරණය කරන ලදී. නීතිපති වෙනුවට රජයේ අධිනීතිඥ ඇන්ජලෝ වැන්හොෆ්ගේ අස්සනින් මෙය නිකුත් කර ඇත.

 



අදහස් (0)

ලසන්ත ඝාතන පරීක්ෂණ තවම අවසන් නෑ - නීතිපති

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී  ලංකා ඉන්ෂුවරන්ස් ලයිෆ්, 2025  SLIM  ජාතික විකුණුම් සම්මාන රාත‍්‍රියේදී  (SLIM National Sales Awards) සම්මානයන්ගෙන් පිදුම් ලබයි. 2025 නොවැම්බර් මස 21 224 1
ශ‍්‍රී ලංකා ඉන්ෂුවරන්ස් ලයිෆ්, 2025 SLIM ජාතික විකුණුම් සම්මාන රාත‍්‍රියේදී (SLIM National Sales Awards) සම්මානයන්ගෙන් පිදුම් ලබයි.

ශ‍්‍රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ‍්‍රී ලංක

ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න. 2025 නොවැම්බර් මස 17 278 0
ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න.

දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි. 2025 නොවැම්බර් මස 04 1192 0
නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

Our Group Site