IMG-LOGO

2025 අප්‍රේල් මස 19 වන සෙනසුරාදා


ඩොලර් බිලියන 2.5 ක ජපන් ණය ප්‍රතිව්‍යුහගත කෙරේ

විමුක්ති එස් රුද්‍රිගු
ජපාන රජය මෙරටට ලබාදී තිබූ ඇමෙරිකානු ඩොලර් බිලියන 2.5 ක ණය ප්‍රමාණයක් ප්‍රතිව්‍යුහගත කිරීම සඳහා වෙන ගිවිසුමට පසුගිය සිකුරාදා (07දා) ජපාන රජය සහ ශ්‍රී ලංකාව මුදල් අමාත්‍යාංශයේදී අත්සන් තැබුවේය. 
විදේශ ණය ප්‍රතිව්‍යුහගත කිරීමේ ක්‍රියාවලියට අදාළව ශ්‍රී ලංකා රජය සහ ජපාන රජය සමග හුවමාරු පත්‍ර අත්සන් කිරීම හා ශ්‍රී ලංකා රජය හා ජපාන ජාත්‍යන්තර සහයෝගීතා නියෝජිතායතනය අතර සංශෝධිත ණය ගිවිසුම අත්සන් කිරීම සඳහා පැවැති උත්සවය එදින මුදල් අමාත්‍යාංශයේදී පැවැත්විණ.

එහිදී අදහස් දක්වමින් මුදල් අමාත්‍යාංශ ලේකම් මහින්ද සිරිවර්ධන  ප්‍රකාශ කර සිටියේ ජපානය සහ ශ්‍රී ලංකාව අතර අත්සන් තැබූ ගිවිසුමෙන් ආසන්න වශයෙන් ඇමෙරිකානු ඩොලර් බිලියන 2.5 ක මුදලක් ප්‍රතිව්‍යුහගතකරණය වන බවයි. ඉන්දියාව, ජපානය සහ ප්‍රංශය සම සභාපතිත්වය දරන නිල ණය හිමියන්ගේ කමිටුවේ තවත් රටවල් 16 ක් සමග ශ්‍රී ලංකාව ණය ප්‍රතිව්‍යුහගත කිරීමේ සාකච්ඡා සිදුවන බවත් එම සාකච්ඡා එක් එක් මට්ටමේ තිබෙන බවත් මහින්ද සිරිවර්ධන පැවැසුවේය. ඒ හේතුවෙන් ණය ප්‍රතිව්‍යුහගත කිරීම අවසාන වන දිනයක් තවමත් ප්‍රකාශ කළ නොහැකි බවද ඔහු පැවැසුවේය.
ශ්‍රී ලංකා රජය වෙනුවෙන් මුදල් අමාත්‍යාංශ ලේකම් මහින්ද සිරිවර්ධන සහ ජපාන රජය වෙනුවෙන් මෙරට ජපාන තානාපති අකියෝ ඉසෝමටා හුවමාරු පත්‍ර අත්සන් කරන ලදි. ද්වීපාර්ශ්වික ණය සංශෝධන ගිවිසුමට ශ්‍රී ලංකා රජය වෙනුවෙන් මුදල් අමාත්‍යාංශ ලේකම් මහින්ද සිරිවර්ධන සහ ජාත්‍යන්තර සහයෝගිතා නියෝජිතායතනයේ මෙරට ප්‍රධාන නියෝජිත ටෙට්සුයා යාමාඩා අත්සන් තැබූහ.
එහිදී හුවමාරු පත්‍ර අත්සන් කිරීමෙන් පසුව මාධ්‍ය වෙත අදහස් දක්වමින් මෙරට ජපාන තානාපති අකියෝ ඉසෝමටා ප්‍රකාශ කර සිටියේ ශ්‍රී ලංකා රජය සහ ජපාන රජය අතර තිබෙන මෙන්ම මෙරට රජය සහ ගුවන්තොටුපළ සහ ගුවන් සේවා (ශ්‍රී ලංකා) සමාගම සහ ජපාන ජාත්‍යන්තර සහයෝගීතා නියෝජිතායතනය අතර තිබෙන ණයෙන් කොටසක් මෙම හුවමාරු පත්‍ර මගින් ප්‍රතිව්‍යුහගතකරණය වූ බවයි.
අත්සන් කරන ලද ගිවිසුම යටතේ මෙරට ආර්ථිකය නගා සිටුවීම සඳහා ජපන් ආධාර යටතේ ක්‍රියාත්මක වූ ව්‍යාපෘතිවල ශ්‍රී ලංකාව ගෙවීමට තිබූ ණය නැවත ගෙවීමේ කොන්දේසි අලු‍ත් වූ බව ජපාන තානාපතිවරයා ප්‍රකාශ කළේය. ජපානය ශ්‍රී ලංකාවට ලබාදී තිබූ ණය මෙම ගිවිසුමත් සමග නිල වශයෙන් ප්‍රතිව්‍යුහගත වන බවත් මෙම අදියර දක්වා පැමිණීමට ශ්‍රී ලංකා රජය ගත් උත්සාහය පිළිබඳව තමන් ප්‍රශංසා කරන බවත් ජපාන තානාපති අකියෝ ඉසෝමටා පැවැසුවේය.
ශ්‍රී ලංකාව සහ නිල ණය හිමියන්ගේ කමිටුව පසුගිය ජූලි මාසයේදී ණය ප්‍රතිව්‍යුහගත කිරීම සඳහා අවබෝධතා ගිවිසුමක් අත්සන් කිරීමෙන් පසුව නිල ණය හිමියන්ගේ කමිටුවේ සිටින රටක් සමග ශ්‍රී ලංකාව ණය ප්‍රතිව්‍යුහගත කිරීමේ ද්විපාර්ශ්වික ගිවිසුමකට එළැඹි ප්‍රථම අවස්ථාව මෙය බවද ඉසෝමාටා ප්‍රකාශ කළේය. ශ්‍රී ලංකාවේ නිල ණය හිමියන්ගේ කමිටුව රටවල් 17 ක් සිටින බවද ඔහු පෙන්වා දුන්නේය.
පසුගිය වසරේදී ශ්‍රී ලංකාව සහ නිල ණය හිමියන්ගේ කමිටුව අතර ණය ප්‍රතිව්‍යුහගත කිරීමට අවබෝධතා ගිවිසුම අත්සන් තැබීමෙන් පසුව බණ්ඩාරනායක ජාත්‍යන්තර ගුවන් තොටුපොළේ පර්යන්තය පුළුල් කිරීමේ ව්‍යාපෘතිය ඇතුළුව මෙරට ජපාන ආධාර යටතේ ක්‍රියාත්මක වූ ව්‍යාපෘතිවලට අරමුදල් මුදාහැරීම ජපානය ආරම්භ කළ බවද තානාපතිවරයා පැවැසුවේය.
ජපානය සහ ශ්‍රී ලංකාවේ ඊයේ (07දා) දින අත්සන් තැබූ ගිවිසුම මෙරට ආර්ථිකය පණ ගැන්වීම සඳහා කාලෝචිත මෙන්ම අත්‍යවශ්‍ය සහායක් ලබාදෙනු ඇතැයිද ජපාන තානාපති අකියෝ ඉසෝමටා ප්‍රකාශ කළේය. ඉතිරි රටවල් සමගද ශ්‍රී ලංකාව ඉතාමත් ඉක්මණින් ණය ප්‍රතිව්‍යුහගත කිරීම් අවසන් කරනු ඇති බවත් ශ්‍රී ලංකාව අඛණ්ඩව සංවර්ධන මාවතේ ඉදිරියට ගමන් කරනු ඇති බවත් ජපානය බලාපොරොත්තු වන බව තානාපතිවරයා පැවැසුවේය.
කෙසේ නමුත් ශ්‍රී ලංකාව ජපානය සමග ණය ප්‍රතිව්‍යුහගත කිරීම අවසන් කිරීමත් සමග මෙරට ආයෝජනය කිරීමට බලාපොරොත්තුවෙන් සිටින්නන්ගේ මෙන්ම මෙරට ණය හිමියන්ගේද ශ්‍රී ලංකාව කෙරෙහි තිබෙන විශ්වාසය ඉහළ යනු ඇතැයි මුදල් අමාත්‍යාංශ ලේකම්වරයා ප්‍රකාශ කළේය.



අදහස් (0)

ඩොලර් බිලියන 2.5 ක ජපන් ණය ප්‍රතිව්‍යුහගත කෙරේ

ඔබේ අදහස් එවන්න

 

 
 

පුවත්

දේශබන්දුට ඇප
2025 අප්‍රේල් මස 14 50 0

වැලිගම හෝටලය ඉදිරිපිට සිදුවූ වෙඩි තැබීමේ සිද්ධිය සම්බන්ධයෙන් රිමාන්ඩ් භාරයේ සිටි, අනිවාර්ය නිවාඩු යැවූ පොලිස්පති දේශබන්දු තෙන්නකෝන්ට බ්‍රහස්පතින්


කිලෝවොට් 100ට වැඩි සූර්යබල පද්ධති දින 11ක් නැවැත්වීම ගැන චෝදනා
2025 අප්‍රේල් මස 14 48 0

කිලෝ වොට් 100ට වැඩි විදුලිබල පරිහරණයක් සහිත සූර්යබල පද්ධති භාවිතය අප්‍රේල් 11 සිට 21 දක්වා තාවකාලික ව නැවැත්වීම සඳහා චක්‍රලේඛයක් නිකුත් කර ඇති අතර ඒ සඳහා ප


බන්ධනාගාර රුඳවියන් ෂිෆ්ටි එකට නිදා ගනිති
2025 අප්‍රේල් මස 14 62 0

බන්ධනාගාරවල පවතින අධික තදබදය නිසා රාත්‍රියෙහි නිදාගැනීම සඳහා කාලවේලා බෙදා ගැනීමට රැඳවියන්ට සිදුවී ඇතැයි සිරකරු අයිතිවාසිකම් සුරැකීමේ කමිටුව සඳහන්


ජාතික රෝහල් හදිසි අනතුරු ඒකකයේ විකිරණ යන්ත්‍ර දෙකම අක්‍රීයයි
2025 අප්‍රේල් මස 14 19 0

ශ්‍රී ලංකා ජාතික රෝහලේ හදිසි අනතුරු ඒකකයෙහි රෝගීන්ගේ විකිරණ පරීක්ෂණ සිදු කරන යන්ත්‍ර දෙකම මේ වන විට සම්පූර්ණයෙන් බිඳ වැටී ඇතැයි රජයේ විකිරණ විද්‍යා ත


සභා රුසකට වාරණ: පුංචි ජන්දය කල්යයි? අධිකරණ කටයුතු අවසන් කරගන්න වෙනවා - කොමිසමේ සභාපති
2025 අප්‍රේල් මස 14 46 0

පළාත් පාලන මැතිවරණය තවත් මාස දෙක තුනකින් කල් යෑමට බොහෝ දුරට ඉඩ ඇතැයි මැතිවරණ කොමිෂන් සභා ආරංචි මාර්ගවලින් පැවසේ.


ඇමති - නියෝජ්‍ය ඇමති විස්සක් තෙල් එපා කියති - මැතිසභා ලේකම්ට ලියුමක්
2025 අප්‍රේල් මස 14 34 0

වර්තමාන රජයේ ඇමතිවරුන් සහ නියෝජ්‍ය ඇමතිවරුන් විස්සකට ආසන්න පිරිසක් පාර්ලිමේන්තු මන්ත්‍රීවරුන් වශයෙන් ලැබෙන ඉන්ධන දීමනාව මින් ඉදිරියට අවශ්‍ය නැති බ


මේවාටත් කැමතිවනු ඇති

ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ 2025 අප්‍රේල් මස 18 158 0
ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස

ශ්‍රී ලංකාවේ ඉංජිනේරු   සහ බලශක්ති සේවා  සඳහා Hayleys Fentons  සහ Hayleys Solar  ආයතනයේ  දායකත්වය 2025 අප්‍රේල් මස 11 227 0
ශ්‍රී ලංකාවේ ඉංජිනේරු සහ බලශක්ති සේවා සඳහා Hayleys Fentons සහ Hayleys Solar ආයතනයේ දායකත්වය

හේලීස් ෆෙන්ටන්ස් ලිමිටඩ් හි කළමනාකාර අධ්‍යක්ෂක හසිත් ප්‍රේමතිලක මහතා සහ හේලීස් සෝලාහි අධ්‍යක්ෂක/ප්‍රධාන විධායක නිලධාරී රොෂේන් පෙරේරා මහතා සමඟ කතාබ

ශ‍්‍රී ලංකා ඉන්ෂුවරන්ස් ලයිෆ් 2024 වසර සඳහා රු. බිලියන 30.7 ක දැවැන්ත බදු පෙර ලාභයක් වාර්තා කරයි. 2025 අප්‍රේල් මස 10 395 0
ශ‍්‍රී ලංකා ඉන්ෂුවරන්ස් ලයිෆ් 2024 වසර සඳහා රු. බිලියන 30.7 ක දැවැන්ත බදු පෙර ලාභයක් වාර්තා කරයි.

අප්‍රේල් 01, 2025 කොළඹ දීග ශ‍්‍රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.

Our Group Site