(ඩබ්ලිව්. හියුබට් ප‍්‍රනාන්දු)
 
දුරකථන සංඥා අවහිර කිරීමේ උපකරණ ළඟ තබාගන්නා ලදැයි කියන සිද්ධිය සම්බන්ධයෙන් පූර්ණ පරීක්‍ෂණයක් සිදුකිරීමට විදුලි සංදේශ නියාමන කොමිසමට නියම කළ මීගමුව මහෙස්ත‍්‍රාත් රජින්ද්‍රා ජයසුරිය මහත්මිය මේ සම්බන්ධයෙන් කරුණු දැනුම්දීම සඳහා විදුලි සංදේශ නියාමන කොමිසමේ නිලධාරීන්ට අධිකරණයේ පෙනී සිටින ලෙස දැනුම් දෙමින් නොතිසි නිකුත් කළාය.

මෙම සිද්ධිය සම්බන්ධයෙන් විමර්ශන සිදුකරන බව කියමින් මීගමුව පොලිසියේ අපරාධ විමර්ශන අංශයේ නිලධාරීන් කළ කරුණු සළකා බැලීමෙන් අනතුරුව එලෙස නියම කළ මහෙස්ත‍්‍රත්වරිය දුරකථන සංඥා අවහිර කිරීමේ උපකරණ ළඟ තබාගන්නා ලදැයි කියමින් සැකපිට රිමාන්ඩ් බාරයට පත් කර සිටින බස්නාහිර පළාත් සභාවේ හිටපු මන්ත‍්‍රීවරයා ලබන මස 4 වැනිදා දක්වා තවදුරටත් රක්ෂිත බාරයේ රඳවා තැබීමට නියම කළාය.

මෙලෙස රක්ෂිත බාරයට පත් කරන ලද්දේ බස්නාහිර පළාත් සභාවේ හිටපු මන්ත‍්‍රීවරයකු වන මීගමුව පෙරියමුල්ල රහුමාන් ඛාන් පටුමඟ, ලාසරස් පාරේ පදිංචි මොහොමඞ් ෂාෆි රහීම් (47) නමැත්තෙකි.සිද්ධියට අදාළ පැමිණිල්ල කැඳවනු ලැබු අවස්ථාවේදී මෙම සිද්ධිය සම්බන්ධයෙන් සැකපිට රක්ෂිත බාරයට පත් කර සිටින මොහොමඩ් ෂාෆි රහීම් නමැත්තා බන්ධනාගාර නිලධාරීන් විසින් අධිකරණයට ඉදිරිපත් කරන ලදී.

සිද්ධියට අදාළව සිදුකළ පරීක්‍ෂණවල ප‍්‍රගතිය දැක්වෙන වාර්තාවක් අධිකරණයට ඉදිරිපත් කළ පැමිණිල්ල වෙනුවෙන් පෙනී සිටි මීගමුව පොලිසියේ අපරාධ විමර්ශන අංශයේ නිලධාරීන් විදුලි සංදේශ කොමිෂන් පනත උල්ලංඝණය කරමින් විදුලි සංදේශ නියාමන කොමිසමේ නිසි අවසරයක් නොමැතිව දුරකථන සංඥා අවහිර කිරීමේ උපකරණ ළඟ තබාගන්නා ලදැයි කියමින් මෙම සැකකරු අත්අඩංගුවට ගත් බව දැනුම් දුන්නේය.

ඉදිරිපත් වු කරුණු සැළකිල්ලට ගෙන අදාළ නියෝග නිකුත් කළ අතර මෙම පැමිණිල්ල ලබන 04 වැනිදා යළි කැඳවීමට නියම කළ මහෙස්ත‍්‍රාත්වරිය සැකකරු එතෙක් තවදුරටත් රක්ෂිත බන්ධනාගාර ගත කළාය. පැමිණිල්ල වෙනුවෙන් මීගමුව පොලිසියේ අපරාධ විමර්ශන අංශයේ  කොස්තාපල්  
සැකකරු වෙනුවෙන් නීතීඥ ශාන්ත නිරිඇල්ල මහතා පෙනී සිටියේය.