2025 මැයි මස 02 වන සිකුරාදා
(නිමල කොඩිතුවක්කු)
ඉදිරි ජනාධිපතිවරණයේදී ජීවිතයද, මරණයද යැයි සිතා ජනතාව තීන්දුවක් ගත යුතුව ඇතැයි සිවිල් සංවිධාන සහ වෘත්තීය සමිති එකමුතුවේ සම කැඳවුම්කරු මහාචාර්ය චන්ද්‍රගුප්ත තේනුවර මහතා කොළඹදී අද(13) පැවැසීය.
ජීවිතය, නිදහස, ප‍්‍රජාතන්ත‍්‍රවාදය ඉදිරියට ගෙනයාමට නම් සජිත් පේ‍්‍රමදාස මහතා ජයග‍්‍රහණය කළ යුතු බවත් පැවසූ තේනුවර මහතා ගෝඨාභය රාජපක්ෂ මහතා ජයග‍්‍රහණය කිරීමෙන් ජනතාවට සුදු වෑන් එකෙන් අවසන් ගමන් යාමට සිදුවනු ඇති බවත් සඳහන් කළේය.
සිවිල් සංවිධාන හා වෘත්තීය සමිති එකමුතුව රාජගිරිය පිහිටි පිහිටි සාධාරණ සමාජයක් සඳහා වු ජාතික ව්‍යාපාරයේ කාර්යාලයේ කැඳවූ මාධ්‍ය හමුවකට එක්වෙමින් ඔහු මේ බව පැවැසීය.
එහිදි වැඩිදුරටත් අදහස් දැක්වූ මහාචාර්ය චන්ද්‍රගුප්ත තේනුවර මහතා මෙසේද කීය.
“පසුගිය 9 වනදා නව නගර ශාලාවේදී මම කළ ප‍්‍රකාශයකට වැරදි අර්ථකතන ලබා දෙමින් විද්‍යුත් මාධ්‍ය මගින් ප‍්‍රචාරය වුණා. රණවිරුවන්ට මා කෙරෙහි වෛරයක් ඇති වන ලෙසට එය ප‍්‍රචාරය කර තිබුණා. මේ තරම් මාධ්‍ය නිදහසක්, ප‍්‍රජාතන්ත‍්‍රවාදයක් තිබෙන රටක මාධ්‍ය තමන්ගේ වගකීම වැරදි ලෙස පාවිච්චි කිරීම ගැන මම කනගාටු වෙනවා.
මාධ්‍යවේදීන් මේ කටයුත්ත කළ බව මම විශ්වාස කරන්නේ නැහැ. යම් කිසි දේශපාලන උවමනාවක් මත මගේ කතාව විකෘති කර ඇති බව මගේ හැඟීමයි. මගේ කතාව විකෘති නොකර නිවැරදි හඬපඨය ප‍්‍රචාරය කරන ලෙට එම මාධ්‍ය ආයතනවලින් මම ඉල්ලා සිටිනවා.
රණවිරුගාය කියන වචනය උපයෝගී කරගනිමින් මෙලෙස මගේ හඬපට නිකුත් කලා. මම මේ ප‍්‍රකාශය කළේ රණවිරුවන් ඉලක්ක කරමින් නොවෙයි. රණවිරුවන් පාවිච්චි කළ, දඩයම් කළ අය අද රණවිරුගායකින් පෙළෙන බවයි මම ප‍්‍රකාශ කළේ. දේශපාලන වාසි ලබා ගැනීමට ඊනියා රණවිරු පේ‍්‍රමයක් දක්වන අයට තමයි මේ රණවිරුගාය වැළඳිලා තියෙන්නේ.
සැබෑ රණවිරුවන්ට අපේ ප‍්‍රණාමය තියෙනවා. ඒ නිසා තමයි අපි ඔවුන්ව කාණු සුද්ධ කරන්න දැම්මේ නැත්තේ, මන්දිර වල වැඩට යෙදෙව්වේ නැත්තේ. මේ රජය යටතේ සැබෑ රණවිරුවන්ට නියම ගෞරවය ලබා දීලා තියෙනවා. අද ඔවුන් ආත්ම අභිමානයෙන් තමන්ගේ වෘත්තියේ නියැලෙනවා.
ජනතාවට තමන්ගේ පාලකයා තෝරා ගැනීමේ අවස්ථාව දැන් උදාවෙලා තියෙනවා. මේ අපේක්ෂකයන් දිහා බලපුවහම ජීවිතයද මරනයද කියන තීරණය ගන්න අද ජනතාවට සිදුවෙලා තියෙනවා. ජීවිතය, නිදහස, ප‍්‍රජාතන්ත‍්‍රවාදය ඉදිරියට ගෙනයන්නනම් සජිත් පේ‍්‍රමදාස මහතාත් සමග තමයි යන්න වෙන්නේ. මරණය නම් සුදු වෑන් එකේ යන්න පුලුවන් කම තියෙනවා.
රාජපක්ෂ යුගයේදී දඩයම් කළේ මාධ්‍යයි. ලසන්තට වෙච්ච දේ, ප‍්‍රගීත් එක්නැලිගොඩට වෙච්ච දේ නැවත වෙන්න ඉඩ තියන්න බැහැ. මේ ජනාධිපතිවරණයේදී ගෝඨාභය රාජපක්ෂට නැවත ඇමරිකාවට ගොස් විවේක සුවය ගත කරන්න අපි කටයුතු කරනවා” යැයිද ඔහු එහිදී පැවැසීය.
(ඡායාරූප : ජයමාල් චන්ද්‍රසිරි)
මත්තල රාජපක්ෂ ජාත්‍යන්තර ගුවන් තොටුපළින් විදේශ රැකියා සදහා පිටව යන ශ්‍රී ලාංකිකයන්ට ඉදිරියේ දී වට්ටම් ලබා දීමට රජය සුදානම් යැයි සංචාරක අමාත්‍ය ප්‍ර
පක්ෂයේ සංවිධාන ජාලය සහ ශාඛා සමිති ශක්තිමත් කරගැනීමේ දීප ව්‍යාප්ත වැඩපිළිවෙළක් මේ සති අන්තයේ සිට ආරම්භ කිරීමට සමගි ජනබලවේගය තීරණය කර තිබේ.
තම අභිමතාර්ථ ඉටුකරගැනීම වෙනුවෙන් පැය 24 ක් තුළ ව්‍යවස්ථා කෙටුම්පතක් ඉදිරිපත් කර ඇති ආණ්ඩුවට ජනතා අවශ්‍යතා වෙනුවෙන් මාස දහයක් තුළ කිසිවක් ඉටුකර ගැනීමට
විධායක ජනාධිපති ධූරයේ බලතල සීමාකර ප්‍රජාතන්ත්‍රවාදයත් පාර්ලිමේන්තුවත් ශක්තිමත් කිරීමට 19 වන සංශෝධනයට අත එස වූ පිරිස පාර්ලිමේන්තුවත් ප්‍රජාතන්ත්‍රව
තුනෙන් දෙකේ බලය පාවිච්චි කර ජනතාවගේ යහපත් අපේක්ෂාවන් ඉටු කරනවා වෙනුවට වර්තමාන ආණ්ඩුව පළවෙනි කැබිනට් මණ්ඩලයේ දීම 19 වන ව්‍යවස්ථා සංශෝධනය විසිකර දමා ජනත
සෞදි අරාබියේ වසර 30කට ආසන්න කාලයක් සේවය කරමින් සිටියදී මීට මාස දෙකකට පමණ පෙරදී රෝගාතුරවී සිහිසුන් තත්ත්වයෙන් එරට පෞද්ගලික රෝහලක ප්‍රතිකාර ලබමින් සිටි
2025 අප්‍රේල් මස 29
487
1
රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර
2025 අප්‍රේල් මස 29
129
0
අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප
2025 අප්‍රේල් මස 18
1147
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස
‘ජනපතිවරණයේදී ජීවිතයද මරණයදැයි සිතා ජනතාව තීරණයක් ගතයුතුයි’