(නිමල කොඩිතුවක්කු)

කාර්යාල නිල ඇඳුම් පිළිබද රාජ්‍ය පරිපාලන අමාත්‍යාංශය නිකුත් කළ චක‍්‍රලේඛයට අනුකූලව කටයුතු කිරිමේ අවශ්‍යතාවයක් නැතැයි අග‍්‍රාමාත්‍ය රනිල් වික‍්‍රමසිංහ මහතා පැවැසීය.

 
රාජ්‍ය පරිපාලන විෂය භාර අමාත්‍ය රංජිත් මද්දුම බණ්ඩාර මහතා විසින් මෙම චක‍්‍රලේඛය සංශෝධනයට අවශය පියවර ගනිමින් සිටින බවත් අග‍්‍රාමාත්‍යවරයා සදහන් කළේය.
 
රාජ්‍ය ආයතනවල සේවය කිරීමේදි කාන්තාවන්ට සාරිය සහ ඔසරිය පමණක් අනිවාර්ය කරමින් රාජ්‍ය පරිපාලන අමාත්‍යාංශය මගින් පසුගියදා මෙම චක‍්‍රලේකය නිකුත් කරනු ලැබීය.
 
මෙම චක‍්‍රලේඛනය මගින් කාන්තාවන්ගේ මානව හිමිකම් උල්ලංඝණය වන බවට පවසමින් ශ්‍රී  ලංකා මානව හිමිකම් කොමිෂන් සභාව මගින්  වාර්තාවක් නිතුත් කරනු ලැබීය.
 
මෙම වාර්තාව සහ තවත් කරුණු කිහිපයක් සැලකිල්ලට ගනිමින් එම චක‍්‍රලේකය ක‍්‍රියාත්මක නොකරන ලෙසත් ඒ සදහා වහාම සංශෝධන ඉදිරිපත් කරන ලෙසත් අග‍්‍රාමාත්‍යවරයා අදාල අංශ වෙත උපදෙස් ලබා දී තිබේ.
 
අධ්‍යාපන, සෞඛ්‍ය ඇතුලූ අමාත්‍යාංශ කිහිපයකින්ද මෙම චක‍්‍රලේඛනය ක‍්‍රියාත්මක කිරීමේදි ගැටලූ පැන නගින බවට කරුණු දක්වමින් රාජ්‍ය පරිපාලන  අමාත්‍යාංශයට සහ අග‍්‍රාමාත්‍ය කාර්යාලයට වාර්තා ඉදිරිපත් කර ඇතැයිද  වාර්තා වේ.