(නිමල කොඩිතුවක්කු)

රට ගොඩනැගීමේ ශක්තිමත්ම වැඩපිළිවෙළ සහ කණ්ඩායම සමග ඉදිරි ජනාධිපතිවරණයෙන් පසු රට ගොඩනැගීමේ ගමන ආරම්භ කරන බව විපක්ෂ නායක සජිත් ප්‍රේමදාස මහතා කුරුණෑගලදී පැවසීය.

රටට අවශ්‍ය කයිවාරුකාරයින්, සංදර්ශන නොවන  බැවින් කියන දේ කරන කතාව මහපොළොවේ යථාර්ථය බවට පත් කරවන සංවර්ධන යුගය බිහි කරන්න සමගි ජන සන්ධානය කැපවන බවත් ඔහු කීවේය.

රටේ තිබෙන ජරාජිර්ණ වු දේශපාලන සංස්කෘතිවය නැවතිමේ ලකුණ තබා වරදාන වරප්‍රසාද මන්ත්‍රීධුර විකුණන යුගය සමගි ජනබලවේගය රාජයක් තුළ නතර කරන බවත් විපක්ෂ නායකවරයා සඳහන් කළේය.

2024 ජනාධිපතිවරණය ඉලක්ක කර ගනිමින් සමගි ජනබලවේගය සහ සමගි ජන සන්ධානය සංවිධානය කරන ජන රැළි මාලාවේ මංගල රැළියට  කුරුණෑගල සත්‍යවාදී පිටියේ දී එක් වෙමින් ඔහු මේ බව පැවසීය. ‘සැමට ජයක් සමගි රටක්‘ යන තේමාවෙන් මෙම රැළිය සංවිධානය කර තිබුණි.