කොබෙයිගනේ මීගස්වැව ශ්‍රී ජයන්ති පියරතනාරාමය, ලෝළුගස්හේන අභිනවාරාමය උභය මහා විහාරාධිපති සියම් මහ නිකායේ මල්වතු පාර්ශවයේ කුරුණෑගල මහා දිසාවේ උප ප්‍රධාන සංඝනායක මහාචාර්ය අලහේනේගම සුමනරතන හිමියෝ පෙරේදා (26) අපවත් වූහ. 

අපවත් වන විට උන්වහන්සේ 73 වන වියෙහි පසු වූහ.

අනුරාධපුර භික්ෂු විශ්ව විද්‍යාලයේ සිංහල අධ්‍යනාංශයේ අංශ ප්‍රධානී ලෙස කටයුතු කර විශ්‍රාම ලබා සිටි උන්වහන්සේ ආගමට හා ශාසනයට මහත් වූ සේවාවක් ඉටුකළ කීර්තිමත් සංඝ පීතෘවරයෙකි. 

දේහය මීගස්වැව ශ්‍රී ජයන්ති පියරතනාරාමයේ තැන්පත් කර ඇති අතර ආදාහන පූජෝත්සවය 29 බ්‍රහස්පතින්දා පස්වරු 2.00 ට ඉහලගම අක්කර පහ පොදු ක්‍රීඩාංගණයේදී පැවැත්වේ.