සම්මානනීය, ප්රවීණ රංගන ශිල්පී, ‘අමරසිරි කලංසූරිය‘ මහතා අභාවප්රාප්ත විය.
ඔහු මියයන විට 82 හැවිරිදි වියෙහි පසුවූයේය.
කලකට පෙර සිනමාවේ ආදරණිය ප්රේමවන්තයා වූ අමරසිරි කලංසූරිය මහතා, චිත්රපට රැසකට මෙන්ම ටෙලිනාට්ය හා වේදිකා නාට්ය සඳහා ද රංගනයෙන් දායක විය.
‘අහස් ගව්ව’, ‘බඹරු ඇවිත්’, ‘පාර දිගේ’, ‘පොන්මනී’ සහ ‘සොල්දාදු උන්නැහේ’ ‘හන්තානේ කතාව’ ‘අක්කර පහ’, ‘නිම්වළල්ල’, ‘අපේක්ෂා’ ‘පරිත්යාගය’ ‘අනුපමා’, ‘පොඩිමල්ලී’, ‘කාංචනා’, ‘සක්විති සුවය’, ‘යස ඉසුරු’, ‘ඩොරින්ගේ සයනය’, ‘පූජා’, ‘පොඩි විජේ’, ‘අහස් මාළිගා’, ‘සාගරයක් මැද’ ආදී චිත්රපට රැසකට ඔහු රංගනයෙන් දායක වූයේය.
කලංසූරිය මහතා, රංගනයෙන් දායක වූ අවසන් චිත්රපටය වන්නේ 2017 වසරේ තිරගත වූ ‘හිම තාරකා‘ චිත්රපටයයි
ඔහුගේ දෙවන චිත්රපටය වන ‘පරිත්යාගය’ චිත්රපටයේ රංගනය උදෙසා, ඕ.සී.අයි.සී සහ සරසවිය සම්මාන හිමිවූ අතර, ‘පූජා’ චිත්රපටයේ රංගනය වෙනුවෙන් හොඳම සහය නළුවාට හිමි ‘සරසවි’ හා ‘ජනාධිපති’ සම්මාන හිමි විය.
මහනුවරදී 1940 සැප්තැම්බර් 20 වැනිදා උපත ලද කලංසූරිය මහතා කිරිබත්කුඹුර, ශ්රී ස්වර්ණජෝති විද්යාලයෙන් සහ මහනුවර ධර්මරාජ විද්යාලයෙන් අධ්යාපනය ලැබූ අතර, ඔහු පාසල් සමයේ දී මලල ක්රීඩා ඉසව් සහ බොක්සිං ක්රීඩාව සඳහා ද දස්කම් දැක්වීය.
කලංසූරි මහතා තිදරු පියෙකි.
අමරසිරි කලංසූරිය මහතාගේ දේහය පිළිබඳ අවසන් කටයුතු බොරැල්ල කනත්තේදී අනිද්දා (3) සිදු කිරීමට නියමිතය.
(ඩයනා උදයංගනී)
රනිල් වික්රමසිංහ මහතා ජනාධිපති ධුරය දැරූ සමයේ ඔහුගේ මාධ්ය අධ්යක්ෂවරයකු වූ මාධ්යවේදී ශානුක කරුණාරත්න මහතාගේ බිරිඳ මනෝජා මධුවන්ති කරුණාතිලක මහත
ප්රවීණ ගායිකාව්ක හා රංගන ශිල්පිනියක මෙන්ම ගුරුවරියක ද වූ චන්ද්රාණි ගුනවර්ධන මහත්මිය අභාවප්රාප්ත වූවාය.
වැලිගම මිදිගම තුර්කි ගම්මානයේ ශාසනවංශ බෞද්ධ මධ්යස්ථානාධිපතිව වැඩ විසූ මොරවක ගුණසිරි හිමියන් අපවත් වූහ.
අනුරාධපුර දිස්ත්රික් හිටපු අමාත්ය අභාවප්රාප්ත ඒ.එම්.එස් අධිකාරි මහතාගේ දයාබර බිරිඳ වූ උතුරු මැද පළාත් සභාවේ හිටපු ප්රථම කාන්තා ඇමතිවරියක වන රාණි
මොනරාගල හිටපු දිස්ත්රික් ක්රීඩා නිලධාරී එල්.ඒ.ඩී ප්රේමරත්න (79) මහතා අභාවප්රාප්ත විය.
සීදූව පොලීසියේ පොලිස් සැරයන් ඩබ්ලිව්.ජී.එල්. ගුණසිරි මහතාගේ මාමණ්ඩියා වූ සීදූව අමන්දොලුවේ පදිංචිව සිටි එම්.කේ.අයිවන් මහතා ඊයේ (2) අභාවප්රාප්ත විය.
අමරසිරි කලංසූරිය දිවි රඟ මඩලට සමුදෙයි