(ශ්‍රීනාත් ප්‍රසන්න ජයසූරිය)

නිවෙස්වල බැඳ දමා සිටින ගවයින් හොරා ගෙන ගිබ බව කියන නාවික හමුදා බලනැවි සෙබළකු ඇතුළු පුද්ගලයෝ තිදෙනෙක් මුන්දලම පොලීසියේ නිලධාරීන් කණ්ඩායමක් විසින් සැකපිට අත්අඩංගුවට ගනු ලැබූහ.

හොරාගෙන යන ලදැයි කියන ගවයන් දෙදෙනකු සහ සොරාගත් එම ගවයන් ප්‍රවාහනය කිරීමයොදාගත් බවට සැලකෙන ලොරි රථයක් ද සැකකරුවන්ගෙන් හෙළි කර ගත් තොරතුරු මත පොලිසිය විසින් සොයාගෙන ඇත.

අඩංගුවට ගත් සැකකාර බලනැවි නාවික සෙබළා යාපනය ප්‍රදේශයේ නාවික හමුදා කඳවුරක රාජකාරි කරන බත්තුලුඔය ප්‍රදේශයේ පදිංචි අයෙකි.

මුන්දලම පොලීසිය අත්අඩංගුවට ගත් සැකකරුවන් සම්බන්ධයෙන් තවදුරටත් පරීක්ෂණ පවත්වාගෙන යයි.