හිටපු උපකුලපතිට පහරදීම ගැන ජනපති වාර්තාවක් කැඳවයි

(අංජුල මහික වීරරත්න)

පේරාදෙණිය විශ්ව විද්‍යාලයේ හිටපු උප කුලපතිවරයකුට පහර දීමේ සිද්ධිය සම්බන්ධයෙන් සම්පූර්ණ වාර්තාවක් තමාට ලබා දෙන්නැයි ජනාධිපති රනිල් වික්‍රමසිංහ මහතා වගකිවයුතු සියලු නිලධාරීන්ට අද (12) උපදෙස් දුන්නේය.

මීට පසු විශ්ව විශ්වවිද්‍යාල ආචාර්යවරුන්ට මෙවැනි සිද්ධි වලට මුහුණ දීමට ඉඩ නොතැබිය යුතු බවද ජනාධිපතිවරයා ආරක්ෂක ප්‍රධානීන්ට පවසා තිබේ.

අදාල පහර දීමේ සිද්ධිය සම්බන්ධ සම්පූර්ණ වාර්තාව ලැබුණු ඒ පිළිබඳව ගන්නා ඉදිරි පියවර තීරණය කරන බවද ජනාධිපති රනිල් වික්‍රමසිංහ මහතා සඳහන් කර තිබේ.

පේරාදෙණිය විශ්වවිද්‍යාලයේ සිසුන් පිරිසකගේ පහර කෑමට ලක්වූ බව කියන එම විශ්වවිද්‍යාලයේ හිටපු උපකුලපතිවරයකු වන භූ විද්‍යාව පිළිබඳ ජ්‍යෙෂ්ඨ මහාචාර්ය අතුල සේනාරත්න මහතා සහ ඔහුගේ පුතකු වන විදුර සේනාරත්න මහතා වෛද්‍ය ප්‍රතිකාර සඳහා රෝහල් ගත කළ බව මාධ්‍ය වාර්තා කර තිබිණි.

අදහස් (6)

හිටපු උපකුලපතිට පහරදීම ගැන ජනපති වාර්තාවක් කැඳවයි

Sunil Monday, 12 December 2022 03:59 PM

මෙයා කරන්නේ වාර්තා ඉල්ලන එක පමණයි. එයට පසු වාර්තාව කුණු කූඩේ...

: 16 5

ධම්මජින්න හිමි Monday, 12 December 2022 05:03 PM

අතුල සේනාරත්න මහාචාර්යතුමා වීරකැටියෙන් බිහිවූ විශිෂ්ඨ ජනතා පුත්‍රයෙක්. එවැනි අය රැකගත යුතුයි.

: 3 12

dhamneth Monday, 12 December 2022 05:05 PM

වහාම ජනාධිපති කොමිසමක් පත්කර සොයාබලන්න පාසල්වලින් විශ්ව විද්‍යාලවලට ඇතුල්වන විනයගරුක විනීත සිසුන් කැම්පස් ඇවිත් ටික කලකින් දාමරිකයින් බවට පත්වන්නේ කොහොමද කියලා? කැම්පස්වල ලොකු ඵලදායක සිස්ටම් චේන්ජ් එකක් අවශ්‍යයි.

: 2 17

Lal Monday, 12 December 2022 05:47 PM

මේ ජවිපෙ ත්‍රස්තවාදීන්ව ඇරෙස්ට් කරන්න.

: 2 11

ranjith Monday, 12 December 2022 06:16 PM

මේ වගේ ජරාවැඩ කරන සරසවි සිසුන් විශ්වවිද්‍යාලවලටත් අපකීර්තියක්...

: 0 15

Prase Monday, 12 December 2022 06:28 PM

අනිවාර්යයෙන් මේ හරක් ගෙදර යවන්න ඕනෑ. ඔවුන් උපාධි අරගෙන රාජ්‍ය සේවයට ආපුවාම වෙන්නේ රටේ ජනතාවගේ බදුමුදල් විනාශ කරලා හොරකමක්...

: 0 15