(යොහාන් භාසුර)

ශ්‍රී ලංකාව සහ වියට්නාමය වසර 55 කට ආසන්න කාලයක් තිස්සේ පවත්වාගෙන යන තානාපති සබඳතා, ඉදිරියේදී තවදුරටත් ශක්තිමත් කිරීමට පියවර ගතයුතු බව වියට්නාම තානාපතිනී ට්‍රින් තයි  ටැම් මහත්මිය පැවසුවාය.

සභානායක ප්‍රවාහන, මහාමාර්ග, වරාය සහ සිවිල් ගුවන්සේවා අමාත්‍ය බිමල් රත්නායක මහතා සහ වියට්නාම තානාපතිනී ටි්‍රන් තයි  ටැම් මහත්මිය අතර පාර්ලිමේන්තු පරිශ්‍රයේ, සභානායක කාර්යාලයේදී පැවති හමුවකදී ඇය එසේ පැවසුවාය.

දෙරට අතර පවතින ද්වීපාර්ශවීය සබඳතා තවතවත් තරකිරීමට ජනතා විමුක්ති පෙරමුණ සහ වියට්නාම කොමියුනිස්ට් පක්ෂය අතර තිබෙන දැඩි සබඳතාවය ඉවහල් වන බව පැවසූ තානාපතිවරිය, පසුගිය සතියේ පැවති 95 වන වියට්නාම් කොමියුනිස්ට් පක්ෂ සංවත්සරයට ජනතා විමුක්ති පෙරමුණේ සහභාගීත්වය අතිශයින් අගය කරන බව ද සඳහන් කළාය.

මෙම සාකච්ඡාවට වියට්නාමයේ නියෝජ්‍ය තානාපති  ලී වැන් හොන්ග් මහතා ද සහභාගී විය.