(අජන්ත කුමාර අගලකඩ)

ශ්‍රී ලංකා නිදහස් පක්ෂයේ පාර්ලිමේන්තු මන්ත්‍රී ශාන්ත බණ්ඩාර මහතා කෘෂිකර්ම රාජ්‍ය ඇමැති වරයා වශයෙන් ජනාධිපති ගෝඨාභය රාජපක්ෂ  මහතා ඉදිරියේ ජනාධිපති මන්දිරයේ දී අද (11) පස්වරුවේ දිවුරුම් දුන්නේය.

කෘෂිකර්ම රාජ්‍ය ඇමති වරයා ලෙස කටයුතු කළ ශෂීන්ද්‍ර රාජපක්ෂ මහතා එම ධූරයෙන් ඉල්ලා සිටීමේ හේතුවෙන්   ඇතිවූ පුරප්පාඩුවට ශාන්ත බණ්ඩාර මහතා මෙසේ  පත්කර ඇත.

ශ්‍රී ලංකා නිදහස් පක්ෂයේ මාධ්‍ය ප්‍රකාශකවරයා ද වන ශාන්ත බණ්ඩාර මහතා ආණ්ඩුවෙන් ඉවත්ව මෑතකදී ස්වාධීන වූ මන්ත්‍රී  කණ්ඩායමේ සාමාජිකයෙකි.

මේ අතර ,විදේශ රැකියා ප්‍රවර්ධන රාජ්‍ය  ඇමතිවරයා ලෙස කටයුතු කළ  පියංකර ජයරත්න මහතාගේ  ඉල්ලා අස්වීම ජනාධිපතිවරයා විසින් බාරගෙන නැති බව ද  වාර්තා වේ .