(බිමල් ශ්‍යාමන් ජයසිංහ)

මෝටර් රථ ප්‍රවාහන දෙපාර්තමේන්තුවෙන් ලබා දෙන ලියාපදිංච් අංක තහඩුවලට සමාන අයුරින් ව්‍යාජ වාහන අංක තහඩු නිෂ්පාදනය ආයතනයක්  වටලා එහි හිමිකරු සහ ව්‍යාජ අංක තහඩු ඇතුළු ඒවා නිෂ්පාදනයට යොදා ගන්නා උපකරණ රැසක් පොලිස් බාරයට ගත් බව බණ්ඩාරගම පොලීසිය කියයි.

බණ්ඩාරගම රයිගම ප්‍රදේශයේ මෙම නීතිවිරෝධි ක්‍රියාව පවත්වාගෙන ගොස් ඇත.

බණ්ඩාරගම පොලිසියට අනුයුක්ත බස්නාහිර පළාත් බුද්ධි නිලධාරීන්ට ලද තොරතුරක් අනුව වැටලීම සිදුකර ඇත,

එම ස්ථානයේ තිබී මෝටර් රථ ප්‍රවාහන දෙපාර්තමේන්තුව (GMT) යනුවෙන් ඉංග්‍රීසි අකුරු සඳහන් ස්ටිකර් කොල , සකස් කරන ලද ව්‍යාජ අංක තහඩු කිහිපයක්, අංක තහඩු සකස් කිරීමට උපයෝගි කර ගන්නා විවිධ ප්‍රමාණවලින් යුත් ප්ලාස්ටික් සහ යකඩ තහඩු , අංක තහඩු සකස් කිරිමට ගන්නා මැෂිමක් , නිෂ්පාදනය කරන විවිධ පුද්ගලයන්ට ලබාදුන් අංක තහඩු වල ඡායාරූප ඇතුළත් ජංගම දුරකථනයක්, පරිගණක උපාංග ඇතුළු උපකරණ රැසක් පොලිස් භාරයට ගෙන ඇත.

මෙම ස්ථානය පවත්වාගෙන යාමෙන් රජයට ලැබිය යුතු විශාල මුදලක් අහිමි වන අතර , මෝටර් රථ ප්‍රවාහන දෙපාර්තමේන්තුවෙන් නිකුත් කරන ලියාපදිංචි අංක තහඩුවට සමාන අංක තහඩු නිෂ්පාදනය කිරීම හේතුවෙන් ඇතැම් පුද්ගලයන් ඒවා විවිධ අපරාධ සඳහා යොදා ගැනීමේ හැකියාව පවතින බවත් මෙවැනි දේ නිෂ්පාදනයෙන් එවැනි අපරාධකරුවන්ට රුකුල් දීමක් යැයි පොලිසිය කියයි.