(බිමල් ශ්‍යාමන් ජයසිංහ)

අවිස්සාවේල්ල උතුරු කරඳන නෙළුවකන්ද ජල ව්‍යාපෘතියෙන් ජලය බෙදා හරින බට කපා තෙල් මිශ්‍ර කළ සැකකරු "රෙක්ස්" සුනකයාගේ ඉව ඔස්සේ ගොස් අත්අඩංගුවට ගත් බව අවිස්සාවේල්ල පොලිසිය කියයි

තමන් පරිභෝජනය කරන ජලයට කිසියම් පුද්ගලයකු තෙල් මිශ්‍ර කර ඇති බවට කරඳන ප්‍රදේශයේ පුද්ගලයන් කීපදෙනකු කළ පැමිණිලි අනුව සිදුකළ විමර්ශනවලදී සැකකරු අත්අඩංගුවට ගත් බව පොලිසිය කියයි

නෙළුව කන්ද සිට බෑවුමට යොදා තිබෙන ජල බටයක් කිසියම් පුද්ගලයකු කපා නැවත සකසා තිබෙන අයුරු ත් ඒ අසන්නේ තෙල් ගෙන ආ බවට සැකකරන ප්ලාස්ටික් කෑන් එකක් තිබීම හේතුවෙන් " රෙක්ස්" සුනඛයා එම ස්ථානයට රැගෙන ඒමෙන් අනතුරුව එම ස්ථානයේ තිබූ ප්ලාස්ටික් කෑන් එක ඉව කිරීමට සැලැස්වීමෙන් පසු රික්තා සුනඛයා කිලෝමීටර් එකාමාරක් දුරක් ගොස් සැකකරු පදිංචිව සිටි නිවෙසට ඇතුළු වූ බව පොලිසිය කියයි

ඒ අනුව එම සැකකරු අත්අඩංගුවට ගෙන සිදු කළ ප්‍රශ්න කිරීමේදී තමන් ජල බට කපා තෙල් මිශ්‍ර කළ බවට පිළිගත් බව විමර්ශන සිදු කරන පොලිස් නිලධාරියෙක් පැවැසීය

තමන් කිසිදු පුද්ගලයෙක් සමග ඇති තරහකට මෙම දේ සිදු නොකළ බවත් මත්පැන් පානය කර සිටි අවස්ථාවේදී සිතට නැඟුණු අදහස ක්‍රියාත්මක කළ බවත් සැකකරු වැඩිදුරටත් පවසා ඇත