(අංජුල මහික වීරරත්න සහ සුජිත් හේවාජුලිගේ)

වතු ජනතාව බලාපොරොත්තු වන්නේ අනුකම්පාව නොව සාධාරණත්වය යැයි සමගි ජන බලවේගයේ කොළඹ දිස්ත්‍රික් මන්ත්‍රී මනෝ ගනේෂන් මහතා පාර්ලිමේන්තුවේ දී පැවසීය.

සිලෝන් ටී  කියන්නේ ශ්‍රී ලංකා ක්‍රිකට් වගේම ප්‍රසිද්ධ දෙයක් වන නමුත් දැන් ඒ දෙකම කඩා වැටී තිබෙන බව මන්ත්‍රීවරයා කීය.

 කඳුකර ජනතාවගේ ඉඩම් අයිතිය ගැන කතා කරන නමුත් තවමත් ඔවුන්ට ලැබෙන්නේ  කුඩම්මාගේ සැලකිල්ලක් බව කී මන්ත්‍රීවරයා එම ජනතාව රටට ඇවිත් වසර දෙසීයක් පිරෙන අතර සෙසු  ජනතාවට තිබෙන ඉඩම් අයිතිය සංස්කෘතික අයිතිය ඔවුන්ට නැතැයි ද ඒවා ලබා දීමෙන් වතු ජනතාව  සම්පූර්ණ පුරවැසියන් ලෙස පිළිගන්නැයි පැවසීය.

වර්තමානයේ වතු ප්‍රජාව මුහුණදෙන  සමාජ ආර්ථික ගැටලු පිළිබඳ පිළිබඳව සභාව කල් තැබීමේ  විවාදය අරඹමින්  මනෝ ගනේෂන් මහතා මේ බව සඳහන් කළේය.