වැඩි ගාණට සීනි වික්කොත් වැඩ වරදී

(මහින්ද නිශ්ශංක)

උපරිම මිලට වැඩියෙන් සීනි අලෙවි කරන වෙළෙදුන් සොයා අද සිටම රටපුරා වැටලීම් ආරම්භ කර ඇතැයි පාරිභෝගික කටයුතු පිළිබඳ අධිකාරිය පවසයි.

ඊයේ සිට සීනි සදහා උපරිම සිල්ලර මිලක් නියම කළද තවමත් වෙළෙදුන් වැඩි මිලට සීනි අලෙවි කරන බවට පාරිභෝගිකයින්ගෙන් පැමිණිලි ලැබී ඇතැයි පාරිභෝගික අධිකාරියේ උසස් නිලධාරියෙක් කීය.

වැඩි මිලට සීනි අලෙවි කරන වෙළෙදුන් පිළිබඳව 1977 ට වහා දැනුම් දෙන ලෙස පාරිභෝගික අධිකාරිය පාරිභෝගිකයින්ගෙන් ඉල්ලා සිටි.

වැඩි මිලට සීනි අලෙවි කරන වෙළෙදුන්ට රුපියල් ලක්ෂයක සිට ලක්ෂ පහ දක්වා දඩයක් නියම කළ හැකි බව ද අධිකාරිය පවසයි.

අදහස් (4)

වැඩි ගාණට සීනි වික්කොත් වැඩ වරදී

ravin Saturday, 04 November 2023 07:28 PM

අපට කවුද බය... අපි කාටද බය..? කියලා කරුණාකර සුපිරි වෙළෙඳසැල්වලින්ම පටන් ගන්නකෝ...!

: 0 0

චන්දන Saturday, 04 November 2023 08:18 PM

බයිලා කියනවා.. අද මම දුඹුරු සීනි ගත්තා කිලෝව 360 යි... ප්‍රසිද්ධ සුපිරි වෙළඳ සැලකින්...!

: 0 0

සරත් කුමාර Saturday, 04 November 2023 08:50 PM

බලාගෙන ආයිබොවන්ලා.. මිනිස්සු බයවෙයි.. එච්චරටම තදින් නීතිය ක්‍රියාත්මක වෙන රටක්නෙ මේක.. අනික ඉතින් වැඩ වරදියි කියන්නෙ සාමාන්‍ය මහජනතාවට තමයි.. එහෙම නැතුව මෙච්චර කාලෙකට සීනි ගෙන්නපු, විකුනපු එකෙකුටවත් වරදිච්ච බවක් නම් පේන්ඩ නෑ..

: 0 0

Bamunuarachchi Saturday, 04 November 2023 10:01 PM

කිය කිය ඉන්න එපාකරලා පෙන්නන්න. නියමිත ලක්ෂ ගණන්වල දඩය ගහන්න. මීට පසු භාන්ඩයක ආනයනය බදු අඩු වැඩි කිරීමේදී ඒ වෙනවිට ඒ භාන්ඩය ආනයනය කිරීමට කටයුතු කර අද්දැයි සොයා බලන්න. ඒ අනුව කටයුතු කරන්න. බදු වැඩි කිරීමට තිබෙන භාන්ඩයක් වරායට පැමිණ තිබෙනවා නම් බදු වැඩි කරන තුරු නිදහස් කරන්න එපා. රනිල් හා ඝෝඨාභය නොමග යවා ඇත්තේ නිලධාරීන්... බදු සම්බන්ධ නිලධාරීන් සතේකට විශ්වාස කරන්න එපා...

: 0 0