(අංජුල මහික වීරරත්න)

රිලවුන් මෙරටට අයත් දූපත් වලට ගෙන ගොස් දැමීම සම්බන්ධයෙන් ව්‍යාපෘති වාර්තාවක් සකස් කර තිබෙන බව කෘෂිකර්ම වාරිමාර්ග පශු සම්පත් සහ ඉඩම් අමාත්‍ය ලාල් කාන්ත මහතා පැවසීය.

සංචාරක ව්‍යාපාරය සමගත් සම්බන්ධ වන ආකාරයට එය ක්‍රියාත්මක කරන බවද ලාල් කාන්ත මහතා සඳහන් කළේය.

"රිලවුන් ඇතුළු වන සතුන් ගොවි බිම් වලින් ඉවත් කිරීමට අප දැඩි අධිෂ්ඨානයක සිටිනවා.එය අප ස්ථිරවම කරනවා. ඒක නොකර කෘෂි කර්මාන්තයක් ගැන කතා කරන්න බෑ.මොන අභියෝග ආවත් අප රිලවුන්ගේ ප්‍රශ්නය විසඳනවා.මේක වසංගතයක්. එයට වසංගතයක් ලෙස සලකා උත්තර හොයන්නේ නැතිනම් වෙනත් ක්‍රම නැහැ. රිලව් රට පැටවීම ගැනත් සලකා බලනවාල ඉතා කෙටි කාලයකදී මේ ප්‍රශ්නයට විසඳුමක් ලබාගන්නට කටයුතු කරනවා" යනුවෙන්ද ලාල් කාන්ත මහතා කීය.