(යොහාන් භාසුර)
දුම්රිය දෙපාර්තමේන්තුව ඉන්දියාවෙන් ආනයනය කළ ‘එම් 11’ පංතියේ එංජින් දෙකක් කොළඹ නගර සීමාව තුළ දුම්රිය ස්ථාන දෙකකදී දෝෂයන්ට ලක්වීමෙන් ‘යාල්දේවී’ දුම්රිය පැය තුනකට ආසන්න කාලයක් අද (18) ප්රමාද වී පිටත්ව ගොස් තිබේ.
ගල්කිස්සෙන් අළුයම 5.50 ට කන්කසන්තුරේ දක්වා පිටත්වූ දුම්රිය වැල්ලවත්ත දුම්රිය ස්ථානයේදී පළමුවෙන්ම කාර්මික දෝෂයකට ලක්ව ඇති අතර ඉන් පසුව සවිකළ එන්ජිම මරදාන දුම්රිය ස්ථානයේදී දෝෂයකට ලක්ව තිබේ.
එම දුම්රිය පෙරවරු 6.40 ට මරදාන දුම්රිය ස්ථානයෙන් පිටත්ව යා යුතුව තිබුණ ද වෙනත් එන්ජිමක් සවිකර පැය තුනකට ආසන්න ප්රමාදයකින් පසුව පෙරවරු 9.25 ට පමණ පිටත්ව ගොස් තිබේ.
දුම්රිය ස්ථානධිපති සංගමයේ සභාපති සුමේධ සෝමරත්න මහතා පවසන්නේ බලධාරීන්ගේ නොසැළකිල්ල නිසා සිදුවන මෙවැනි ප්රමාදයන් හේතුවෙන් මගී ජනතාව දැඩි අපහසුතාවට පත්වන බවත් දෙපාර්තමේන්තුව තුළ අවශ්ය තරම් කාර්මික ශිල්පීන් සිටිය ද ධාවනය යෙදවීමට පෙර පරීක්ෂා නොකිරීමට මෙයට හේතුව බවත්ය.
COMMENTS
Reply To:
Sisira - cb chds hcdsh cdshcsdchdhd
කිසිම තැනකට වැඩක් නැති ඉන්දියන් කුණු ගොඩවල්...!
මෙතන ලස්සනම වැඩේ කියන්නේ, ඉන්දියාවෙන් ගේන දුම්රිය එන්ජින් හා පෙට්ටිවල දෝෂ දකින්නේ ඉංජිනේරුවන් හා කාර්මික නිලධාරීන් නොවෙයි. දුම්රිය ස්ථානාධිපතිවරුන්ගේ සංගමයේ නිලධාරීන්...
මොක වුණත් ඉන්දියාවෙන් ආපු බුද්ධධර්මය ඇරෙන්න අනිත් ඔක්කොම ඉතින් අසුචි ගොඩවල් තමයි.
ගෘහ විදුලි උපකරණයටත් අලෙවියෙන් පසු වගකීම් සහතිකයක් දෙන ලෝකයේ කෝටි ගාණක් වටින දුම්රිය එංජිමට වගකීම් සහතිකයක් නැද්ද?
අවංක නිලධාරීන්ව පැත්තකට කරලා පස්සෙ දුවන අය මේවට ගාව ගත්තොත් වෙනදේවල් තමයි මේවා.. අපි ඉස්සර හිතුවේ ඉගෙනගත්තු කෙනා හොරකම්, වංචාවන් කරන්නේ නැහැයි කියලා. දැන් බලාගෙන ගියාම ඉගෙන ගත්තු උපාධි අරගෙන ලොකු ලොකු රස්සාවල් කරන එවුන් තමයි මහාපරිමාණයේ හොරකම් සහ දුෂණවලට සම්බන්ධවෙලා තියෙන්නේ... රටකට ගිය කලක්...!
දුප්පත් මහජනතාවගේ බදුමුදල් මේ අන්දමින් අවභාවිතා කිරීමට කටයුතු කළ නිලධාරීන්ට එරෙහිව වහාම සුදුසු ක්රියාමාර්ග නොගැනීමෙන් පෙනීයන්නේ අත්දැකීම් නොමැති වියතුන්ගේ උපදෙස් ගත් රාජ්ය පාලකයින්ගේ අසමත් භාවයයි. එවන් අමනයින් රැලකට බලය පවරා දුන් ජනතාව ඒ සඳහා වන්දි ගෙවීම පුදුමයට කරුණක් නොවේ.