(සුජිත් හේවාජුලිගේ සහ  අංජුල මහික වීරරත්න)

මහජන නියෝජිතයන් රටට මෙපමණඅවශ්‍ය දැයි සාකච්ඡාවක් ඇති වී තිබෙන බව සමගි ජන බලවේගය පක්ෂයේ  කුරුණෑගල දිස්ත්‍රික් මන්ත්‍රී ජේ සී අලවතුවල මහතා පාර්ලිමේන්තුවේදී අද පැවසීය.

පළාත් පාලන ආයතනවල  සභිකයින්  සංඛ්‍යාව වැඩිවීම නිසා ඒවාහි රැස්වීම් ශාලාවල ඉඩකඩ මදිවී ඇතැයිද   ඔහු  සඳහන් කළේය.

ඔහු මෙසේ පැවසුවේ රාජ්‍ය පරිපාලන පළාත් සභා ස්වදේශ කටයුතු සහ පළාත් පාලන අමාත්‍යාංශයේ වැය ශීර්ෂය පිළිබඳ විවාදයේදීය.

සමහර පළාත් පාලන ආයතන ජනතාවට එරෙහිව වැඩ කරන බව පැවසූ මන්ත්‍රීවරයා පළාත් පාලන මැතිවරණය හැකි ඉක්මනින්ම පැවැත්වීම රජයේ වගකීම බවද සඳහන් කළේය.