(යසන්ත ආරියසේන)

හක්මන කෝංගල ප්‍රදේශයේදී පසුගියදා හදිසියේ මිය ගිය යාචකයා සන්තකයේ තිබු රුපියල් තුන්ලක්ෂඅසූ හතර දහස් අටසිය හැට හතක (384,867.00) පමණ මුදල පිළිබඳව ඉදිරි ක්‍රියාමාර්ග ගැනිම සදහා නිතිපතිවරයාගේ උපදෙස් ඉල්ලා ඇතැයි හක්මන ප්‍රාදේශිය ලේකම් කාර්යාලය පවසයි.

 හක්මන කෝංගල නැගෙනහිර ප්‍රදේශයේ පදිංවිව සිටි හැට නව හැවිරිදි ඊ.එස්.විමලදාස යන අයෙකු ඉකුත් පෙබරවාරි මස දස වැනි දින  දහවල් ඔහු පදිචිව සිටි නිවස අසල ඇති කන්දෙන් පහළට පෙරළිගොස් මෙලෙස මියගොස් තිබුණි.                                                     

මරණය පිළිබදව හදිසි මරණ පරික්ෂණය සිදුකරන අවස්ථාවේ මරණකරු අදින ලද කලිසමක රහස් සාක්කු කිහිපයක තිබි රුපියල් තුන් ලක්ෂ අසූ හතර දහස් අටසිය හැටහතක (384,867.00) පමණ මුදලක් සොයා ගත් අතර එම මුදල මේ වන විට හක්මන පොලිසියේ ආරක්ෂිතව තබා ඇත.

හදිසිමරණ පරීක්ෂණය සිදුකරන අවස්ථාවේ කිසිදු ඥාතියෙකු හෝ භාරකරුවෙකු ඉදිරිපත් නොවූ අතර කෝංගල නැගෙනහිර ග්‍රාම නිලධාරිණිය මැදිහත්ව මියගිය අයගේ අවසන් කටයුතු මාතර පොදු සුසාන භූමයේදී ඉකුත් මස එකොලොස් වැනි දින සිදුකරන ලදි.

අවසන් කටයුතු සිදුකර දින කිහිපයක් ගතවු පසු මියගිය අයගේ සොයුරිය යැයි පවසමින් අකුරැස්ස ප්‍රදේශයේ පදිංචි කාන්තාවක් පොලිසියට සහ ප්‍රාදේශිය ලේකම් කාර්යාලයට පැමිණ මුදල් සහ නිවසේ යතුර ලබාදෙන ලෙස ඉල්ලිමක් සිදුකර ඇතැයි වාර්තාවේ.

හක්මන සහකාර ප්‍රාදේශීය ලේකම් තීක්ෂණ දිසානායක මහතාගෙන මෙම කරුණ පිළිබදව විමසිමේදි මෙලෙ පැවසිය.

මියගිය අය සන්තකයේ තිබූ මුදල ආරක්ෂාව සදහා පොලීසියට භාර දිම සිදුකළා.එම මුදලින් යමි ප්‍රමාණයක් වැයකර මියගිය අයගේ අවසන් කටයුතු සිදුකළ අතර පසුගිය දිනක මරණකරුගේ සොහොයුරියක යැයි පවසමින් කාන්තාවක් පැමිණ තිබුණා.

නමුත්අවිවාහකව සිට මියගිය පුද්ගලයකුගේ මුදල් වෙනත් අයෙකුට ලබාදිමට අපට බලයක් නැහැ. එම නිසා එම මුදල් පිළිබදව ගතයුතු ක්‍රියාමාර්ග පිළිබදව නීතිපතිවරයාගේ උපදෙස් ලබාගැනිමට කටයුතු කරනවා.‘