(නිමල කොඩිතුවක්කු)
මිනීමැරුම් හා මත්ද්රව්ය වැටලීම් සඳහා නීතිය තදින් ක්රියාත්මක කරන්නැයි මහජන ආරක්ෂක අමාත්ය ටිරාන් අලස් මහතා පොලිස්පති ඇතුළු ජේෂ්ඨ පොලිස් නිලධාරීන් කැඳවා අද (16) උපදෙස් දෙනු ලැබීය.
සංවිධානාත්මක අපරාධ කල්ලි මගින් සිදුකරන මිනීමැරුම් හා මත්ද්රව්ය ජාවාරම් මර්දනය කිරීමට පුද්ගල තරාතිරම නොබලා කටයුතු කරන්නැයි අමාත්යවරයා එහිදී ජ්යෙෂ්ඨ පොලිස් නිලධාරීන්ට නියෝග කළේය.
ජනශක්ති සමූහ ව්යාපාරයේ සභාපති දිනේෂ් ෂාෆ්ටර් මහතාගේ ඝාතනය සම්බන්ධයෙන් සිදුකරන විමර්ශන මෙන්ම මත්ද්රව්ය වැටලීම සම්බන්ධව කෙරෙන පොලිස් විමර්ශනවල ප්රගතිය සොයා බැලීම සඳහා පොලිස්පතිවරයා ඇතුළු ප්රදේශ නිලධාරීන් මහජන ආරක්ෂක අමාත්යාංශය වෙත කැඳවා අමාත්යවරයා මෙම උපදෙස් දෙනු ලැබීය.
පොලිස්පති සී. ඩී වික්රමරත්න, බස්නාහිර පළාත් භාර ජ්යෙෂ්ඨ නියෝජ්ය පොලිස්පති දේශබන්දු තෙන්නකෝන්, පොලිස් විශේෂ කාර්ය බලකායේ අණදෙන නිලධාරී නියෝජ්ය පොලිස්පති වරුණ ජයසුන්දර යන මහත්වරුන් ඇතුළු ජේෂ්ඨ පොලිස් නිලධාරීන් මෙම අවස්ථාවට එක්ව සිටියහ.
COMMENTS
නව නීති ක්රියාත්මක වීමෙන් මහජන ආරක්ෂාව වැඩි වන බව ඉතා පැහැදිලිව පෙන්වන ලිපියක්.
තවත් අදහස් හා දත්ත සමඟ මෙම විශ්ලේෂණය යාවත්කාලීන කරලා නම් හොඳයි.