මත්ද්‍රව්‍ය ලඟ තබන් සිටි රේගු නිලධාරීන්ගෙන් ප්‍රශ්න කරන්න අවසර

(නිමන්ති රණසිංහ)

එල් එස් ඩී මත් මුද්දර 11ක් කුෂ් මත්ද්‍රව්‍ය ග්‍රෑම් 1ක් සහ කොකේන් ග්‍රෑම් එකක් සන්තකයේ තබාගෙන සිටි බව කියන රේගු පරීක්ෂක නිලධාරීන් දෙදෙනා ලබන 17 වැනිදා තෙක් රඳවා තබාගෙන ප්‍රශ්න කිරීමට කොළඹ අතිරේක මහේස්ත්‍රාත් හර්ෂණ කැකුණ‍ෙවල මහතා පොලිස් මත්ද්‍රව්‍ය කාර්යාංශයට අද (12) අවසර ලබා දුන්නේය.

මෙලෙස රැඳවුම් නියෝග නිකුත් කළේ රේගු නිලධාරීන් දෙදෙනකු වන තිස්සමහාරාම පදිංචි නානායක්කාර පල්ලියගුරුගේ අශාන් ඉවන්ත සහ මාලඹේ පදිංචි යාමනගේ රොෂාන් සපුමල් යන අයවලුන්ටය.

මෙම සැකකරුවන් දෙදෙනා වරාය තුළ මත්ද්‍රව්‍ය ඡාවාරමේ නිරතවන බවට ලද තොරතුරකට අනුව චෛත්‍ය පාරේදී අත්අඩංගුවට ගත් බවත්, මොවුන් දෙදෙනා කටුනායක සහ පෞද්ගලික ගුදමක රාජකාරි කරමින් සිටි රේගු නිලධාරීන් දෙදෙනකු බවත් මත්ද්‍රව්‍ය නාශක කාර්යාංශය අධිකරණයට කරුණු ඉදිරිපත් කර ඇත.

අදහස් (2)

මත්ද්‍රව්‍ය ලඟ තබන් සිටි රේගු නිලධාරීන්ගෙන් ප්‍රශ්න කරන්න අවසර

Krishan Monday, 12 December 2022 06:21 PM

රේගුවේ කුඩු ජාවාරම් කරන අය ගැන සොයන්න නිසියාකාරව බුද්ධි අංශ යොදවා පරික්ෂණ කළොත් අසුකරගත හැකියි. තව ඉන්නවා කුඩු පාවිච්චි කරලා සේවයේ යෙදෙන රේගු නිලධාරීන් ඔවුන් අත්අඩංගුවට ගන්න මෙහෙයුමක් දියත්කළ යුතුයි. රේගුවේ සේවය කරන අයට වත්කම් හිමිවූ ආකාරය ගැන පරික්ෂණ පැවැත්විම කළයුතුයි. රේගු නියාමකවරුන්ගේ නියාමකවරියන්ගේ රේගු පරීක්ෂකවරුන්ගේ හා පරීක්ෂකවරියන්ගේ සහකාර රේගු අධිකාරිවරුන්ගේ වරියන්ගේ රේගු අධිකාරිවරුන්ගේ හා වරියන්ගේ නියෝජ්‍ය රේගු අධ්‍යක්ෂවරුන්ගේ රේගු අධ්‍යක්ෂවරුන්ගේ අතිරේක රේගු අධ්‍යක්ෂ ජනරාල්වරුන්ගේ නොසිතන ආකාරයේ කෝටි ගණන් වටිනා වාහන නිවාස ආදිය හිමිවූ ආකාරය සොයා බැලුවොත් ජාවාරම් පිහිටෙන් බව පරික්ෂණ පවත්වන අයට වැටහී යනු ඇත. රේගුවේ පිහිටි රජයේ විගණන අංශයේ නිලධාරීන් රේගුවේ නිලධාරීන් බිය ගන්වා මුදල් ලබාගන්නා බවටද රේගුවේ නිලධාරීන් අතර කතාවක් තිබේ. විගණකාධිපති ඒ ගැන සොයා බැලිය යුතුයි. නිසියාකාරව පරික්ෂණ කළොත් රේගුවේ 90%ක් බන්ධනාගාරයේ සල්ලි වලට පරීක්ෂණ වෙනස්වන රටක් ලංකාව කියන්නේ... ඒකයි ඇත්ත...

: 0 10

Perera Tuesday, 13 December 2022 09:56 AM

රේගු නිළධාරී කුඩු ජාවාරමේ, පොලිස් නිලධාරීන් ගෙවල් හොරකමේ.

: 0 0