(ඉන්දිකා  රාමනායක)

මට්ටක්කුලිය සාවියා පටුමග ප්‍රදේශයේ දී  ඉකුත් (28) දින මෝටර් රථයකින් පැමිණ පිරිසක් විසින් පුද්ගලයකු කපා කොටා ඝාතනය කිරීමේ සිද්ධියට ආධාර අනුබල ලබාදුන් සැකකරුවෙකු දෙමටගොඩ ප්‍රදේශයේදී විශේෂ කාර්ය බළකාය මඟින් අත්අඩංගුවට ගෙන ඇත.

මෙලෙස ඝාතනයට ලක්ව තිබුනේ සාවියා පටුමග, මට්ටක්කුලිය ලිපිනයේ පදිංචි මොහොමඩ් බදුර්දීන් මොහොමඩ් ෆර්හාන්  නමැති ව්‍යාපාරිකයකු බව පොලීසිය පවසයි.

මෙම පුද්ගලයා ඝාතනය කිරීම සඳහා පැමිණි සැකකරුවන්ට වාහන කුලියට ලබා දෙන ස්ථානයකින් මෝටර් රථයක් ලබා දීම සම්බන්ධයෙන් ඉහත සැකකරු අත්අඩංගුවට ගත් බව විශේෂ කාර්ය බලකාය පවසයි.

සැකකරු බේස්ලයින්  ප්‍රදේශයේ පදිංචි  අවුරුදු 31  පුද්ගලයෙකු  වන අතර  වැඩිදුර විමර්ශන කටයුතු සඳහා මට්ටක්කුලිය පොලිස් ස්ථානය වෙත භාර දී ඇත.

මෙම ඝාතනය සිදු  කළ සෙසු සැකකරුවන් මෙතෙක් අත්අඩංගුවට ගෙන නොමැත.