බඩ ඉරිඟු බීජ ලොකු තොගයක් ලංකාවට ලැබෙයි

(අංජුල මහික වීරරත්න)

විදේශ ආධාර මත ඇමරිකා ඩොලර් 367,550ක් (ශ්‍රී ලංකා රුපියල් 133, 604, 425) වටිනාකමකින් යුත් දෙමුහුන් බඩඉරිඟු බීජ මෙට්‍රික් ටොන් 144ක තොගයක් අද (22) පරිත්‍යාගයක් ලෙස ශ්‍රී ලංකාවට ලැබුණු බව කෘෂිකර්ම අමාත්‍යංශය පවසයි.

ජපාන අන්තර්ජාතික සහයෝගීතා ඒජන්සිය (JICA) සහ එක්සත් ජාතීන්ගේ සංවර්ධන අරමුදල (UNDP) විසින් ශ්‍රී ලංකාවේ බඩඉරිඟු වගාව නඟා සිටුවීම සඳහා කරන ලද මැදිහත් වීම මත, තායිලන්ත විදේශ කටයුතු අමාත්‍යාංශය අදාල පරිත්‍යාගය කර තිබේ.

මෙම වැඩසටහන ශ්‍රී ලංකාවේ එක්සත් ජාතීන්ගේ සංවිධාන කාර්යාලයේ දී පැවැත්විණි. මෙම අවස්ථාවට කෘෂිකර්ම අමාත්‍ය මහින්ද අමරවීර, ශ්‍රී ලංකාවේ තායිලන්ත තානාපති POJ HARNPOLL, ශ්‍රී ලංකාවේ එක්සත් ජාතීන්ගේ නියෝජිත HANNAH SINGER, එක්සත් ජාතීන්ගේ සංවර්ධන අරමුදලේ ශ්‍රී ලංකාවේ නියෝජ්‍ය නියෝජිත MARLIN HERWIG, අමාත්‍යාංශයේ ලේකම් ගුණදාස සමරසිංහ යන මහත්ම මහත්මීහු පිරිසක් සහභාගී වූහ.

අදහස් (5)

බඩ ඉරිඟු බීජ ලොකු තොගයක් ලංකාවට ලැබෙයි

sharm warn Tuesday, 22 November 2022 03:55 PM

මොකක්ද මෙ කාලකන්නි වැඩෙ තෙරුම? අර එක දලඹු වර්ගයක් ආවෙත් මෙ වගෙ පුන්‍යවන්ත දානපති තෑගි අරගෙන නේද? මොකක්ද මෙ ඇමති බූරුව කරන්නෙ? අපෙ රටට හරි යන බීජ අපෙ බඩ ඉරිගු වලින් හදා ගන්න බැරිද? අපෙ රටෙ කෘශි පර්යෙශන ආයතන තියෙන්නෙ මොකටද? තවමත් මෙ සාහසික අපරාද වලට අත්පුඩි ගහනවද අපි?

: 4 5

විජිත් Tuesday, 22 November 2022 11:29 PM

ඔව්,... ඔබහරි. මේ බඩ ඉරිඟු දෙමුහුන් වර්ගයක් කියනවානේ. එහි ජිව විද්‍යාත්මක නම කුමක්ද..? දෙමාපියන් කවුද..? ඒ වගේම ජාන තාක්ෂණයෙන් ' කිලර් ' ජානයක් ඇතුලත් කල බඩ ඉරිඟු වෙන්නත් බැරි නැහැ. එහෙම වුනොත් බඩ ඉරිඟු පැලවෙලා, මල් හට ගනීවි නමුත් එල හට ගන්නේ නැතිවේවි. එහෙම වුනොත් මල් හටගත්තාට පසුව තව විශේෂ හෝමෝනයක් " මිලදී " ගෙන ඉසින්න අවශ්‍යයි කරල් හටගන්නනම්. ඒ වගේම ඔය ආගන්තුක බිජ - පැල වලින් අපේ රටේ තිබෙන ස්වදේශික බඩ ඉරිඟු වලට යම් කිසි ජිව විද්‍යාත්මක බලපෑමක් වෙන්නත් බැරි නැහැ. ආගන්තුක බඩ ඉරිඟුවල පරාග වලින් අපේ ස්වදේශීය බඩ ඉරිඟුවල පලදාව හින වීමක් වේවිද...? මෙවැනි ප්‍රශ්න රාශියක් කෘෂි විද්‍යාඥයින්ට ඉතිරි කරලාද මේ බිජ මේ රටට " පිළිගත්තේ "..? මන්ද බුද්ධික , ගෝත්‍රික දේශපාලකයින් පාලනය කරන රටක අප නොසිතන ඕනෑම විනාශයක් වියහැක. ප්‍රශ්නයක් ඇතිවුනොත් ඔවුන් අනිවාර්යයෙන්ම ඒ වගකීම නිලධාරීන් පිට පටවා තමුන් නිදහස් වෙයි. ඒ නිසා කෘෂි නිලධාරී මහතුනි , පර්යේෂකයිනේ ඔබේ ඇස් මේ ආගන්තුක බඩඉරිඟු වර්ගය දෙස යොමු කරන්න. ඒ අපේ රට වෙනුවෙන් , අපේ අනාගත පරපුර වෙනුවන්.

: 0 3

Ruhunu Tuesday, 22 November 2022 05:06 PM

කෘෂිකර්ම ඇමති මෙලෝ වැඩක් නැහැ.

: 0 1

ganegoda Tuesday, 22 November 2022 07:23 PM

ග්ල්යිපොසයිට් බඩඉරිඟු මේවා තමයි දැන් අපිට ආධාර වශයෙන් ලැබන්නේ

: 0 1

Saman Wednesday, 23 November 2022 02:16 AM

මුන් මගෙ රටට පහල උන පිනො හරක් කාලකන්නි කුට්ටි කුට්ටි කුට්ටි කාපියව් තවත්

: 0 1