(රවීන්ද්‍ර ප්‍රභාත් නෙත්තසිංහ)
 
පාසලෙන් ලබාදෙන කිරි පැකට් පානය කිරීම හේතුවෙන් වාරියපොල හේරත්ගම විද්‍යාලයේ සිසුන් 28 දෙනෙකු වාරියපොල රෝහලට ඇතුළත් කර ඇත.

උදරයේ වේදනාව හා වමනය වැනි රෝගී තත්වයන් හේතුවෙන් මෙම දරුවන් රෝහලට ඇතුළත් කළ බවත් කිසිවෙකු අසාධ්‍ය තත්වයේ පසුනොවන බවත් රෝහල් ප්‍රකාශකයෙක් පැවසීය.

දරුවන් 1990 ගිලන්‍ රථ සේවයේ නිකවැරටිය සහ වාරියපොළ ගිලන් රථවලින්  රෝහල කරා ගෙනවිත් තිබිණ.

මෙම විද්‍යාලයේ සිසුන් 300 ක් පමණ දෙනාට අද දිනයේදී කිරි පැකට් ලබාදී තිබුණද 5 වසර පංතියේ සිසුන්ට පමණක් මෙසේ රෝගී ලක්ෂණ මතුව ඇත.

මීට පෙර සිටම මෙම විද්‍යාලයේ සිසුන්ට කිරි පැකට් ලබාදී ඇතත් අද වෙනත් වර්ගයක කිරි පැකට් ලබාදී ඇතැයිද සිසු දරුවෙකුගේ මවක් පැවසුවාය.