(ගයාන් සූරියආරච්චි)

ක්ලීන් ශ්‍රී ලංකා වැඩසටහන යටතේ පොලිසිය විසින් සිදුකරනු ලබන රථවාහන මෙහෙයුම් සම්බන්ධයෙන් පෞද්ගලික බස් රථ සංගම් සහ වැඩබලන පොලිස්පති ප්‍රියන්ත වීරසූරිය මහතා අතර අද (8) පැවැති හමුවේදී බස් රථ සංගම් වැඩ වර්ජනයකට නොයන බවට තීරණය කර ඇත.

මෙම සාකච්ඡාව පොලිස් මූලස්ථානයේදී පැවැත්විණ.

අන්තර්පළාත් බස්රථ සංගම් නියෝජිතයන්, පෞද්ගලික බස් සංගම් නියෝජිතයන් ඇතුළු බස් රථ සංගම් 6 ක් පමණ වැඩ බලන පොලිස්පතිවරයා සමග සාකච්ඡා පැවැත්වීය.

පොලිසිය සීමාව ඉක්මවා බස්රථවලට අනවශ්‍ය බලපෑම් සිදුකරන බව පවසමින් ඊට විරෝධය පළ කිරීම සඳහා මෙම දීපව්‍යාප්ත වැඩවර්ජනය දියත් කිරීමට බස් සංගම් සූදානම්ව සිටියේය.