(නිමල කොඩිතුවක්කු)
 
ප‍්‍රතිත‍්‍රස්ත පනත ගැන පාර්ලිමේන්තු කණ්ඩායම් රැස්වීමේදී සාකච්ඡා කර තීරණයක් ගත යුතු බව කොළඹ  දිස්ත‍්‍රික් පාර්ලිමේන්තු මන්ත‍්‍රී මුජුබර් රහුමාන් මහතා පැවැසීය.
 
යෝජිත ප‍්‍රතිත‍්‍රස්ත පනත සම්බන්ධයෙන් ආණ්ඩුව පාර්ශවයෙන් විවිධ මත පළවෙන බැවින්  මේ පිළිබඳ එක ස්ථාවරයක් ගත යුතු යැයිද   මන්ත‍්‍රීවරයා සඳහන් කළේය.
 
කොළඹ ග‍්‍රෑන්ඩ්පාස් ප‍්‍රදේශයේ  පැවැති මාධ්‍ය හමුවකට එක්වෙමින් ඔහු මේ බව පැවැසීය.
 
එමෙන්ම කර්මාන්ත හා වාණිජ කටයුතු අමාත්‍ය රිෂාද් බදියුදීන් මහතාට එරෙහිව ඒකාබද්ධ විපක්ෂය ගෙන ආ විශ්වාසභංග යෝජනාව සම්බන්ධයෙන් එක්සත් ජාතික පක්ෂයේ ස්ථාවරයද ඉදිරියේදි ප‍්‍රකාශ කරන බවද ඔහු එහිදී පැවැසීය.
 
ආණ්ඩුවට එරෙහිව ඒකාබද්ධ විපක්ෂය මේ වනවිට විශ්වාස භංග යෝජනා කිහිපයක්ම ඉදිරිපත් කර ඇති බවත් සඳහන් කළ මන්ත‍්‍රීවරයා ඒ සියල්ලක්ම ආණ්ඩුව ඉතා පහසුවෙන් පරාජයට පත් කළ බවද කීවේය.
 
එමෙන්ම තමන්ට එරෙහිව විවිධ චෝදනා නගන ඒකාබද්ධ විපක්ෂයේ මන්ත‍්‍රීවරුන්ට එරෙහිවත් ඉදිරියේදී නීතිමය ක‍්‍රියාමාර්ග ගන්නා බවත් ඔහු එහිදී වැඩිදුරටත් පැවැසීය.