(ජී.ඩබ්ලිව්.කේ.ප්රේමතිලක ද සිල්වා)
වැලිසර නාවික හමුදා කඳවුරේ සේවය කරන ගාල්ලේ පදිංචි නාවික සෙබළුන් 8 දෙනෙකුගේ සහ එයින් එක් සෙබලෙකුගේ පවුලේ සාමාජිකයින් සිව් දෙනෙකු සම්බන්ධයෙන් ඊයේ (25) ගාල්ල කරාපිටිය ශික්ෂණ රෝහලේදී සිදුකළ පී.සී.ආර් පරීක්ෂණ වාර්තා වලට අනුව ඔවුන් කිසිවෙක් කොරෝනා ආසාදිතයන් නොවන බව තහවුරු වූ බව රෝහල් අධ්යක්ෂ වෛද්ය සම්පත් රණවීර මහතා පැවසීය.
මෙයින් තිදෙනෙක් හබරාදුව සෞඛ්ය වෛද්ය නිලධාරි කොට්ඨාශය තුල පදිංචිකරුවන් වන අතර සෙසු පිරිස වෙනත් ප්රදේශවල අයවෙති. මොවුන් සියළුම දෙනා සිය කැමැත්තෙන්ම මෙම පරීක්ෂණය සඳහා ඉදිරිපත්වී තිබේ.
මෙම සෙබළුන් පිරිසත් සමඟ වැලිසර නාවික හමුදා කඳවුරේ සේවයේ නියුතු නිවාඩු ලබාගෙන සිය නිවෙස් වලට පැමිණ ස්වයං නිරෝධානයට ලක්ව සිටින ගාල්ල දිස්ත්රික්කයේ පදිංචි සෙබළුන් පිරිසෙන් මේ වනවිට 16 දෙදෙනෙක් කරාපිටිය ශික්ෂණ රෝහලේදී පී.සී.ආර් පරීක්ෂණයට ලක්කර ඇති අතර ඔවුන් කිසිවෙකුත් නව කොරෝනා ආසාදිතයන් නොවන බව තහවුරු වී තිබේ.
COMMENTS
Reply To:
Sisira - cb chds hcdsh cdshcsdchdhd
ස්වේච්ඡාවෙන් පීසීආර් පරීක්ෂණයට ඉදිරිපත්වීම බොහෝ අගය කළ යුතු ක්රියාවකි. ඔබ සියලු දෙනාටම නිරෝගී සුවය සදා හිමිවේවා !
නැති අය ගැන නෙවෙයි කොරෝනා තියෙන අය ගැන හරි විස්තර කියන්න. මේ නිලධාරින් ප්රථම පෙළේ වෛද්ය නිලධාරිනුත් නොවන එකේ රෝගය ආසාදනය නොවී ඉන්න වත් දැනුමක් නැති අයව ඉදිරි පෙළ වැඩවලට යැව්වේ ඇයි? මේ තාක් ලංකාවේ සෞඛ්ය ව්යසන වලට මුහුණ දුන්නේ හමුදාවද සෞඛ්ය නිලධාරින්ද? මේක හරියට වඳුරෝ රේස් දුවන්න දාලා අශ්වයෝ ගස් නැග්ගුවා වාගේ වැඩක්.
දැන් වෙන්න ඕනේ දේ වෙලා ඉවරය, ආරක්ෂක පියවර අනුගමනය කලානම් මේවා මද පමණින් හෝ වලක්වා ගන්න තිබුනා, ඉදිරියට හමුදා සාමාජිකයන් පුළුවන් තරම් සෞඛ්ය උපදෙස් සහ රටේ නීති පිළිපදින්න පුරුදු වෙන්න. ත්රිවිද හමුදා රියදුරන්ගේ අධි වේගයෙන් නොසැලකිලිමත් රිය පැදවීම නිසා වසරකට ජිවිත සහ දේපල විශාල සංඛ්යාවක් විනාශ වෙනවා.