(නිමන්ති රණසිංහ)

වැලිසර නාවික හමුදා රෝහලේදී ඊයේ (25) රාත්‍රීයේ මියගිය නාවික හමුදා නිලධාරියාට කොරෝනා වයිරසය වැලදී නොමැති බව පරීක්ෂණවලදී හෙළිවී ඇතැයි නාවික හමුදා මාධ්‍ය ප‍්‍රකාශක ලූතිනන් කමාන්ඩර් ඉසුරු සූරියබණ්ඩාර මහතා ලංකාදීපයට පැවසිය.

නාවික හමුදාවේ ලූතිනන් කමාන්ඩර්වරයකු වන මෙම නිලධාරියා හදීසියේ ඇතිවූ රෝගී තත්ත්වයක් හේතුවෙන් ඉකුත් 18 වැනිදා වැලිසර නාවික හමුදා රෝහල වෙත ඇතුළත් කරනු ලැබිණ. පසුව කරන ලද පරීක්ෂණ වලදී, මී උණ වැළදීමෙන් එම නිලධාරියා මියගොස් ඇති බව තහවුරු වී ඇතැයි ද නාවික හමුදා මාධ්‍ය ප‍්‍රකාශකවරයා සදහන් කළේය.

කොරෝනා ආසාදිතයකු බවට පසුව හෙළිවූ නිලධාරියකු මෙම නිලධාරියා ප‍්‍රතිකාර ලබමින් සිටි වාට්ටුවේ ප‍්‍රතිකාර ලබමින් සිට ඇති බැවින් මියගිය ලුතිනන් කමාන්ඩර්වරයාගේ අවසන් කටයුතු ද ජාත්‍යන්තර නිරෝධායන නිතීන්ට යටත් සිදුකරන ලෙසට රාගම අධීකරණ වෛද්‍ය නිලධාරිවරයා නියෝග කර ඇති බවද සදහන් වෙයි.