‘නිලධාරීන් කැපවීම් කළොත් කාබනික වගාව ජයගත හැකියි‘

(සුජිත් හේවාජුලිගේ)

රසායනික පොහොර සහ වල්නාශකවලට හුරුවූ ගොවීන් කාබනික වගාවට යොමු කිරීම අභියෝගාත්මක කර්තව්‍යයක් වුවත් සියලුම මට්ටමේ නිලධාරීන් දැඩි උනන්දුවකින්, විශ්වාසයකින් හා කැපවීමෙන් වැඩ කළහොත් ඒ වැඩපිළිවෙළ ජයග්‍රහණය කළ හැකි බව තමාට විශ්වාසය යැයි ජනාධිපති ගෝඨාභය රාජපක්ෂ මහතා පැවසීය.

ජනාධිපතිවරයා මෙසේ පැවසුවේ යල කන්නය සඳහා කාබනික පොහොර බෙදාහැරීමට ඇති සූදානම සම්බන්ධයෙන් කෘෂිකර්ම ක්ෂේත්‍රයේ නිලධාරින් සමග ජනාධිපති කාර්යාලයේදී ඊයේ (15) පැවති සාකච්ඡාවකදීය.

අනාගත දරු පරපුර වෙනුවෙන් වස විසෙන් තොර ආහාර වේලක් ලබාදීම අරමුණු කරගනිමින් හරිත කෘෂිකර්මාන්ත වැඩසටහන ආරම්භ කෙරුණු බවද ජනාධිපතිවරයා කීවේය.

ගොවීන් නිසි ලෙස දැනුවත් කර නිසි වේලාවට ප්‍රමිතියෙන් ඉහළ පොහොර ලබාදීම සිදුවිය යුතු බව මෙහිදී පැවසු ගෝඨාභය රාජපක්ෂ මහත ඇතැම් රජයන්ට කෘෂිකර්මාන්තය පිළිබඳ විශ්වාසයක් නොතිබූ බවද සඳහන් කළේය.

පාරම්පරික කෘෂිකාර්මික රටක් වන ශ්‍රී ලංකාව ඉන් ස්වයංපෝෂිත කර, ගොවියා ශක්තිමත් කිරීම තම අපේක්ෂාව බවද ජනාධිපතිවරයා පැවසූවේය.

කාබනික පොහොර නිෂ්පාදනයට සම්බන්ධවී සිටින සියලු නිෂ්පාදන ආයතන දීර්ඝ කාලයක් තිස්සේ පර්යේෂණ සිදුකර වගා කටයුතු සඳහා යොමුව සාර්ථක ප්‍රතිඵල අත්කරගෙන සිටින බවත් ඔවුන්ගේ දැනුම හා ඉහළ ප්‍රමිතියෙන් යුත් නිෂ්පාදන ගොවි ජනතාව අතට පත් කිරීමෙන් අපේක්ෂිත ප්‍රතිඵල ලබාගත හැකි යැයි තමාට විශ්වාස බවත් ඔහු පැවසීය .

මෙහිදී අදහස් දැක්වූ දිස්ත්‍රික් ලේකම්වරුන් පැවසුවේ මහ කන්නයේදී කාබනික පොහොර නිවැරදි ලෙස භාවිතා කළ ගොවීන් ඉහළ අස්වැන්නක් ලබාගෙන ඇති බවයි.

ඊට යොමු නොවූ ගොවීන් නිසි ලෙස දැනුවත් කිරීමෙන් හරිත කෘෂිකර්මාන්ත වැඩපිළිවෙල ජයගත හැකි බව ඔවුහු මෙහිදී වැඩිදුරටත් ප්‍රකාශ කළහ.

මහ කන්නයේ දී ලත් අත්දැකීම් පාදක කරගනිමින් දිස්ත්‍රික් මට්ටමින් කාබනික පොහොර නිෂ්පාදකයින් 48දෙනෙකු තෝරාගෙන පොහොර බෙදාහැරීමේ කටයුතු සැලසුම් කර ඇතැයි රාජ්‍ය අමාත්‍ය ශෂීන්ද්‍ර රාජපක්ෂ මහතා ප්‍රකාශ කළේය.

දිස්ත්‍රික්ක රැසක ගොවීන් මහ කන්නයේ දී කාබනික පොහොර යෙදීමෙන් සාර්ථක ප්‍රතිඵල අත්කර ගෙන ඇති බව පොහොර නිෂ්පාදන ආයතනවල පර්යේෂකයෝ පෙන්වා දුන්හ.

සතියකට දෙවතාවක් දිසාපතිවරුන්ගේ ප්‍රධානත්වයෙන් පොහොර කමිටුව රැස්වීමට පියවර ගෙන ඇති බව කෘෂිකර්ම අමාත්‍ය මහින්දානන්ද අලුත්ගමගේ මහතා පැවසීය.

මෙම සාකච්ඡාවට ජනාධිපති ලේකම් ගාමිණී සෙනරත්, අමාත්‍යාංශ ලේකම්වරුන් ආරක්ෂක මාණ්ඩලික ප්‍රධානි හා යුද හමුදාපති ජෙනරාල් ශවේන්ද්‍ර සිල්වා හා පොහොර ලේකම් කාර්යාලයේ නිලධාරීන් පොහොර නිෂ්පාදන ආයතන ප්‍රධානීන් ඇතුළු පිරිසක් සහභාගී වූහ.

සියලුම දිස්ත්‍රික් ලේකම්වරුන් මෙම සාකච්ඡාවට සහභාගි වූයේ වීඩියෝ තාක්ෂණය ඔස්සේය.

අදහස් (14)

‘නිලධාරීන් කැපවීම් කළොත් කාබනික වගාව ජයගත හැකියි‘

Ruwan R Wednesday, 16 March 2022 12:56 PM

ගේ ගිනි ගන්නකොට වත්ත උදලු ගගා ඉන්න කෙනෙක් දැකලා තියෙනවද?

: 2 58

saman Wednesday, 16 March 2022 12:56 PM

මෙම ව්‍යාපෘතිය සාර්ථක වේවායි පතමි...

: 42 5

sam Wednesday, 16 March 2022 12:56 PM

මෙයාලාට තියෙන්නේ කාබනික පිස්සුව. රටේ කෘෂිකර්මාන්තේ විනාශ කරලත් මෝඩකම තවමත් දන්නවනේ....

: 3 51

Sunil Wednesday, 16 March 2022 01:19 PM

පසුගිය කන්නේ නම් හරි සාරයි... තවම පාඩම් ඉගෙනගෙන නැහැ වගේ..

: 1 34

duminda Wednesday, 16 March 2022 01:21 PM

ලැජ්ජාවක් නැහැ.

: 1 33

කිරි පුතා Wednesday, 16 March 2022 01:23 PM

මෙය ඉතා සාධනීය ව්‍යායාමයක්. ටිකෙන් ටික ක්‍රියාත්මක කළ යුත්තක්. මිනිසුන්ගේ ආකල්පත් වෙනස් කළ යුතුයි. ත්‍රස්තවාදීන්ට එරෙහිිව යුද්ධය කළා වගේ රටම එකමුතුව මෙය ක්‍රියාත්මක කළ යුතුයි...

: 36 11

dumindaWednesday, 16 March 2022 02:50 PM

කරන්න පුළුවන්, හැබැයි අපි අධ්‍යයනය කරන්න ඕනෑ ලෝකයේ දියුණුම රටවල් වලටත් ඔය තත්වයට ළඟාවෙන්න බැරි ඇයි කියලා. එදාවේලවත් නැති අපි වගේ රටකට වැඩිය දඟලන්න බෑ. අනික මිනිස්සු ලෙඩ වෙන්නේ පොහොර හින්දමයි කියන්න කොහෙවත් සාක්ෂි නෑ. අපේ ආහාර රටාව මේකට බලපාන්න පුළුවන්...

: 1 13

sweneWednesday, 16 March 2022 03:20 PM

කාබනික පොහොර වලින් යැපෙන්න පුළුවන් නම් ඉතා හොඳයි. එත් අපේ අවශ්‍යතාවය සඳහා ලැබෙන පලදාව ප්‍රමාණවත් නැහැ. අස්වැන්න වැඩි කර ගැනීමට දියුණු කල ප්‍රභේද වලට රසායනික පොහොර අත්‍යාවශ්යයි. පාරම්පරික ප්‍රභේද වලින් කාබනික පොහොර යොදා ලබා ගත හැකි අස්වැන්න ආහාර සුරක්ෂිතතාවයට මදි. ඒකයි ප්‍රශ්නය. අන්තිමේදී සහල් ආනයනය කොට ඒවැයි වස විස නැති බවට තහවුරු කරලා ද ගෙන්වන්නේ? තේ වැනි වගාවකට පස හාරලා කාබනික පොහොර කූඩයක් දැම්මහම වැස්සට පොළොවත් එක්කම සේදී යනවා. තේ පඳුරු අස්සේ කානු හැරීමත් දුෂ්කරයි . මේ සැම දෙයක්ම ගැන හිතලයි තීරණ ගත යුත්තේ

: 1 13

fairoos Wednesday, 16 March 2022 01:43 PM

සර්ට බෑ. හැමදාම කළේ නිලධාරින්ට බනින එක විතරයි. තවත් රට නන්නත්තාර කරන්නේ නැතිව ගෙදර ගියොත් හොඳයි.

: 6 35

Hafeel Wednesday, 16 March 2022 01:55 PM

නිලධාරීන්ගේ සහාය ගන්න නම්, ආණ්ඩුව අවංක වියයුතුයි. ඉන්දියාවෙන් ගෙනාපු නැනෝ පොහොරවලින් කෝටිගණන් ගසා කෑව සහ චීන කුණු පොහොරට අනවශ්‍ය වන්දි ගෙව්වා. සුදු ළූණු වංචා, සීනි වංචා. නමුත් කාටත් දඬුවම් නැහැ. ඉතින් කොහොමද කියන්නේ නිලධාරීන්ට කැපවීම් කරන්න කියලා...

: 1 34

Mohan Wednesday, 16 March 2022 02:15 PM

මෙයාගේ මොලේ තියෙන්නේ කොහේද?.. මෙච්චර රටේ මිනිස්සු නරකාදියටම වැටිලයි තියෙන්නේ. වෙලාවකට බයිලා ගහනවා....

: 1 31

Rohana Wednesday, 16 March 2022 02:59 PM

මෙයාලට කරන්න පුළුවන් දෙයක් නෑ. අතගහපු හැමවැඩක්ම අසාර්ථකයි.

: 1 13

ගොවිරාළ Wednesday, 16 March 2022 04:49 PM

ගිය කන්නයේ අපිට කොම්පෝස්ට් සඳහා අක්කරයක් වගාවට රුපියල් දහදාහක් දෙනවා කිව්වා. අපිට ගොයම් කපලා මාස දෙකක් ගතවෙලත් තවමත් මුදල් නැහැ.. ගියසතියේ ගොවි නියාමක ඇවිල්ලා අපේ කෙනෙක්ගෙන් අස්වැන්න කොහොමද අහලා තිබුණා. එතෙක් එයා දැක්කෙම නැහැ. එහෙම උන්දැලා එක්ක ජනාධිපතිවරයාට කිසිදාක එයාගේ සිහිනය සැබෑකර ගන්න නම් බැහැ...

: 1 2

de silva Wednesday, 16 March 2022 08:01 PM

මෙයාගේ භූමිතෙල් මොලේ...

: 0 1