(රෝෂන් තුෂාර)

නියෝජ්‍ය පොලිස්පතිවරයකු ලෙස පෙනී සිටිමින් දුරකථන ඇමතුම් ලබාදි පුද්ගලයන් බිය ගන්වා මුදල් ලබා ගත්තේ යැයි කියන බොරැල්ල ප්‍රදේශයේ පදිංචි පුද්ගලයකු ලබන 09 දක්වා රක්ෂිත බන්ධනාගාරගත කිරීමට කොළඹ අතිරේක මහේස්ත්‍රාත් කේමින්ද පෙරේරා මහතා අද (05) නියෝග කළේය.

අපරාධ පරීක්ෂණ දෙපාර්තමේන්තුවේ පරිගණක අපරාධ විමර්ශනය ඒකකය මගින් සැකකරු අත්අඩංගුවටගෙන අධිකරණයට ඉදිරිපත් කිරීමෙන් පසුව මෙසේ රක්ෂිත බන්ධනාගාර ගත කෙරිණි.

සැකකරු අධිකරණයට ඉදිරිපත් කරමින් රහස් පොලිසියේ උප පොලිස් පරීක්ෂක ඉසුරු ගුණතිලක මහතා සඳහන් කර සිටියේ සැකකරු  නියෝජ්‍ය පොලිස්පතිවරයකුගේ නම භාවිතා කරමින් පුද්ගලයන්ට එරෙහිව නීතිය ක්‍රියාත්මක කරන බවට බිය ගන්වා රුපියල් 25 000.00 මුදල් බැගින් ලබාගෙන ඇති බවය.

සිද්ධිය සම්බන්ධයෙන් විමර්ශන අවසන් නොමැති බවත් සැකකරු රක්ෂිත  බන්ධනාගාර ගත කරන ලෙසත් පොලිසිය ඉල්ලා සිටියේය.