(අංජුල මහික වීරරත්න)

දේශීය ණය ප්‍රශස්ත කරන ක්‍රියාවලියට පහසුකම් සැලසීම සඳහා සේවක අර්ථසාධක අරමුදල ,සේවා නියුක්තිකයන්ගේ භාරකාර අරමුදල, විශ්‍රාම වැටුප් අරමුදල හෝ පාවිච්චි කර මුදල් සහ ඒ හා සමාන අරමුදල් විසින් භාණ්ඩාගාර බැඳුම්කරවල ආයෝජනය කිරීමෙන් උපයනු ලබන ආදායම මත වන ආදායම් බදු අනුපාතය වෙනස් කිරීම පිණිස 2017 අංක 24 දරණ දේශීය ආදායම් පනතට අදාල සංශෝධනය හඳුන්වාදීම සඳහා 2023.6.28 දින පැවති අමාත්‍ය මණ්ඩල රැස්වීමේදී අනුමැතිය ලබා දී ඇත.

ඒ අනුව නීති කෙටුම්පත් සම්පාදක විසින් සකස් කරනු ලැබ ඇති පනත් කෙටුම්පත සඳහා නීති පති අවසරය ලැබී තිබේ.

එකී පනත් කෙටුම්පත රජයේ ගැසට් පත්‍රයේ පළ කිරීමටත් ඉන් අනතුරුව පාර්ලිමේන්තුවට ඉදිරිපත් කිරීමටත් මුදල් ,ආර්ථික ස්ථායීකරණ  හා ජාතික ප්‍රතිපත්ති අමාත්‍යවරයා ලෙස ජනාධිපති රනිල් වික්‍රමසිංහ මහතා ඉදිරිපත් කළ යෝජනාවට කැබිනට් මණ්ඩලය මණ්ඩල අනුමැතිය ලැබී තිබේ.