( සුමිත් පොතුපිටිය )

කළුතර ටෙලිකොම් කුළුණේ බැටරි ගැලවූ බව කියන ටෙලිකොම් ආයතනයේම තාක්ෂණ ශිල්පියෙකු සහ රිය සහායකයෙකු අත්අඩංගුවට ගත් බව කළුතර දකුණ පොලිසිය පවසයි.

ටෙලිකොම් ආයතනයේම උසස් නිලධාරියෙකු විසින් කළ පැමිණිල්ලක් මත සැකකරුවන් අත්අඩංගුවට ගෙන තිබේ.ඔවුන්ගෙන් කළ ප්‍රශ්න කිරීම් වලින් පසු සොරාගත් රුපියල් ලක්ෂ හයකට අධික වටිනාකමකින් යුත් බැටරිද පොලිස් භාරයට ගෙන තිබේ.

විදුලි විසන්ධි වීමෙන් පසු ටෙලිකොම් කුළුණේ සංඥා පද්ධතිය ස්වයංක්‍රීයව ක්‍රියාත්මක විය යුතු බවට කොළඹ පාලක මැදිරියෙන් කළ දැනුම් දීමකින් පසු කළුතර ඉංජිනේරුවන් විසින් සොයා බැලීමේදී බැටරි ගලවා ඇති බව නිරීක්ෂණය වී ඇතැයි පොලිසිය සඳහන් කරයි.