(කාංචන කුමාර ආරියදාස)

දඹුල්ල ත්‍රිරෝද රථ සංගමයේ සාමාජිකයන් හය දෙනෙකු බන්ධනාගාර ගත කිරීම සඳහා පොලිසිය ක්‍රියාකිරීම සහ කුලී රථ ධාවනය කිරීම නිසා තම රැකියාවට හානි සිදුවී යැයි චෝදනා කරමින් දඹුල්ල, සීගිරිය, හබරණ,  ත්‍රි රෝද  රථ සංගම්වල සමාජික සාමාජිකාවෝ අද (07)  දින පෙරවරුවේ දඹුල්ල නගර මධ්‍යයේ විරෝධතාවයක නිරත වූහ.

විද්‍යුත් ඇප් දෙකක්  උපයෝගී කරගෙන කුලී රථ ධාවනයනය කරන නවගත්තේගම  ප්‍රාදේශීය සභාවට  ජාතික ජනබලවේගයේ  අපේක්ෂකයෙකුට දඹුල්ල නගරයේදී පහරදී මංකොල්ලකෑවේ යැයි චෝදනාව මත ඔවුහු බන්ධනාගාරගත කරතිබිණි.

මෙම සිද්ධිය සම්බන්ධයෙන්  පුළුල් පරීක්ෂණයක් පවත්වන ලෙසත් නගර මධ්‍යයේ ඇති ආරක්ෂිත කැමරා පරීක්ෂා කොට  අභූත චෝදනාවලට විධිමත් පරීක්ෂණයක් පවත්වන ලෙස උද්ඝෝෂකයෝ පොලිස්පති වරයාගෙන් සහ රජයෙන් ඉල්ලීමක් කර සිටිති.