(යොහාන් භාසුර)

මත්ද්‍රව්‍ය පාවිච්චි කිරීමේ චෝදනාවට වරදකරුවීමෙන් වසර තුනක ක්‍රිකට් තහනමක් පනවා තිබූ ක්‍රිකට් ක්‍රීඩක නිරෝෂන් දික්වැල්ලගේ තහනම ඉවත් කිරීමට පියවර ගෙන තිබේ.

ඔහු ඉදිරිපත් කළ අභියාචනාවක් සළකා බැලීමෙන් අනතුරුව පසුගිය සැප්තැම්බර් මස පැනවූ වසර තුනක තහනම මාස තුනක් දක්වා අඩු කිරීමෙන් ඔහුගේ තහනම අවසන් විය.  

ඒ අනුව දික්වැල්ලට අද සිට සියලුම ආකාරයේ ක්‍රිකට් ක්‍රීඩා කළ හැකි අතර දික්වැල්ල අද ආරම්භ වන ශ්‍රී ලංකා ටී10 තරගාවලියේ සිට තරගවලට සහභාගි වීමට නියමිතය.

මෙවර ලංකා ප්‍රීමියර් ලීග් තරගාවලියේදී ගෝල් මාවල්ස් කණ්ඩායමේ නායකයා ලෙස කටයුතු කළ නිරෝෂන් දික්වැල්ල ‘කොකේන්’ මත්ද්‍රව්‍ය පාවිච්චි කළ බවට එම තරගාවලිය අතරතුරදී ගත් මුත්‍රා සම්පල් පරීක්‍ෂාවකින් සනාථ වී තිබුණි.