රික්ටර් පරිමාණයේ ඒකක 7.4 ක ප්‍රබලත්වයක් සටහන් කළ ප්‍රබල භූමිකම්පාවකින් වයඹදිග ජපන් වෙරළ තීරය කැලැඹිණි. 

භූමිකම්පාවත් සමග හිකයිඩෝ සහ ඉවාටේ පළාත්වලට සුනාමි අනතුරු නිකුත් කෙරුණි. ඒ, භූමිකම්පාවේ අපිකේන්ද්‍රය සැලකිල්ලට ගනිමිනි.

භූමිකම්පාවේ අපිකේන්ද්‍රය සන්රිකු වෙරළ තීරයට ඔබ්බෙන්, කිලෝ මීටර් 100 ක් දුරින් සහ කිලෝ මීටර් 10 ක් ගැඹුරින් පිහිටි බව ජපන් කාලගුණ විද්‍යා බලධාරීහු පසුව නිවේදනය කළහ.

ජපාන අග්‍රාමාත්‍ය සානේ ටකයිචි ද මාධ්‍ය හමුවේ පෙනී සිටිමින් ජනතාවගෙන් ඉල්ලා සිටියේ, සුනාමි අනතුරුවලින් බේරීමට උස් ස්ථානවලට යන ලෙසය.

අඩි 10 ක් පමණ උසැති සුනාමි රළ කඩා වැදීමක් සිදුවුණු නමුත්, කිසිවකුට අනතුරක් සිදු වූයේ නැත.