(සුජිත් හේවාජුලිගේ )

ශ්‍රී ලංකා මහ බැංකුවේ අධිපති අජිත් නිවාඩ් කබ්රාල් මහතා ඉවත් කරන ලෙස තමා දැනුම් දුන් බවට  පළවී ඇති ඇතැම් මාධ්‍ය වාර්තාවල කිසිදු සත්‍යතාවක් නොමැති බව ජනාධිපති ගෝඨාභය රාජපක්ෂ මහතා පැවසීය.

කබ්රාල් මහතා  තමාගේ උපරිම විශ්වාසය  දිනාගෙන සිටින්නකු බවත් ඔහු බොහෝ කටයුතුවලදී තමාට උපරිමයෙන්ම   සහය  වන  බවත්  ජනාධිපතිවරයා සඳහන් කළේ‍ය.

රට මුහුණ දෙන බරපතළ ආර්ථික අභියෝග වලට ප්‍රතිචාර දැක්වීමේ ශක්තිය ඔහුට පවතින බව පැවසූ ජනාධිපති ගෝඨාභය රාජපක්ෂ මහතා  මෙවැනි අසත්‍ය කතාවලින් අධෛර්යට පත් නොවී රටේ ස්ථාවරත්වය සහ සංවර්ධනය සඳහා  සිය රාජකාරි කටයුතු දිගටම කරගෙන යන ලෙස කබ්රාල් මහතාට දැනුම් දුන් බවද  කීවේය.

විශේෂ නිවේදනයක්  නිකුත් කරමින් ජනාධිපතිවරයා මෙසේ පැවසුවේය.