(අංජුල මහික වීරරත්න)

ආර්ථික අර්බුදය ඇතුළු රටේ මතුව ඇති ගැටලුවලට විසඳුම් සෙවීමේ දී ජනාධිපතිවරයා ප්‍රමුඛ රජය කෙරෙහි ජනතාව විශාල බලාපොරොත්තුවක් තබා ඇති බව ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක සහ ජනාධිපති කාර්ය මණ්ඩල ප්‍රධානී සාගල රත්නායක මහතා පැවසීය.

කොළඹ ග්‍රෑන්ඩ්පාස්හි ශාන්ත ජෝෂප් විද්‍යාලයේ පසුගියදා පැවති පෝෂණ වැඩසටහනකට එක් වෙමින් සාගල රත්නායක මහතා මෙි බව පැවසීය.

රටේ ඇතිවූ ආර්ථික අර්බුදයත් සමග පීඩිත පංතිය වැඩිවීමට පටන්ගත් නිසා දරුවන්ගේ  පෝෂණ තත්ත්වය ආරක්ෂා කිරීමට රජය මෙවන් වැඩසටහන් පිළිබඳ විශේෂ අවධානය යොමු කර තිබෙන බව සාගල රත්නායක මහතා පැවසීය. 

ජනපතිගේ  මගපෙන්වීමෙන්  ආරම්භ කළ ආහාර සුරක්ෂිතා සහ පෝෂණය සහතික කිරීමේ වැඩසටහන  මහගු ශක්තියක් බව කී සාගල රත්නායක මහතා  පෞද්ගලික මට්ටමින් මෙවන් පෝෂණ වැඩසටහන් සංවිධානය කිරීම ද ඇගයීමට ලක් කළේය.