( බී.ජි. චතුරංග )

රාත්‍රී රාජකාරී කටයුතු අවසන් කර තම නිවසට ගමන් කරමින් සිටි උඩමළුව පොලිසියට අනුයුක්තව රාජකාරී කළ සැරයෙන් වරයෙකු ගසක් කඩා වැටීම හේතුවෙන් බරපතල තුවාල ලබා අද  (27) ජීවිතක්ෂයට පත්වූ බව  උඩමළුව පොලිසිය පවසයි.

මෙලෙස අවාසනාවන්ත ලෙස ජීවිතක්ෂයට පත්ව ඇත්තේ , පරසන්ගස්වැව  දුම්රියපළ හන්දියේ පදිංචිව සිටි, උඩුගම බිබිලේ මොහොට්ටාලලාගේ ධර්මදාස උඩුගම (47610) නැමැති  තිදරු පියෙකු වූ  පොලිස් සැරයන්වරයෙකි.

ජීවිතක්ෂයට පත් වූ සැරයන්වරයා  ඊයේ  (26දා) රාත්‍රී රාජකාරි නිම වී අද  (27) උදෑසන පරසන්ගස්වැව පිහිටි   තම නිවස බලා ගමන් කරන අතර වාරයේදී 4 ඇල ප්‍රදේශයේ  මාර්ගය හරහා කඩා වැටී තිබූ ගසක ගැටීමෙන් බරපතල තුවාල ලබා 1990 සුව සැරිය ගිලන් රථයක් මාර්ගයෙන් අනුරාධපුර ශික්ෂණ රෝහල වෙත ඇතුළත් කර ඇති බව පොලිසිය සඳහන් කළේය. 

අනුරාධපුර ශික්ෂණ රෝහලේ බාහිර රෝගී අංශය වෙත ඇතුළත් කර, වෛද්‍යවරයා පරීක්ෂා කිරීමෙන් අනතුරුව එම සැරයන්වරයා ජීවිතක්ෂයට පත්ව ඇති බව දැනුම් දුන් බවද පොලිසිය වැඩි දුරටත් සඳහන් කළේය.