(අංජුල මහික වීරරත්න)

කටාර් රාජ්‍යයෙන් සහ ඉන්දියාවෙන් ප්‍රතික්ෂේප කළ එක්ස්ප්‍රස් පර්ල් නෞකාවට ශ්‍රී ලංකා වරායට ඇතුළු වීමට අවසර දුන්නේ ඇයිදැයි ආණ්ඩුව වහා හෙලිකළ යුතු බව එක්සත් ජාතික පක්ෂ සභාපති වජිර අබේවර්ධන මහතා පවසයි.

මෙම ක්‍රියාදාමය යට වෙනත් අරමුණක් තිබෙිදැයි විමසා බැලිය යුතු බව කී අබෙිවර්ධන මහතා හරි වෙලාවට හරි තීරණ නොගෙන මහජනතාවට සිදු කළ බරපතල ඛේදවාදකයට රජය සම්පූර්ණයෙන්ම වගකිව යුතු බවද සඳහන් කළේය. "මෙහිදී ගිනි නිවීමේ මූලික සිද්ධාන්ත අනුව කටයුතු කළ බවක් පෙනෙන්න නෑ. නැවේ තෙල් ටොන් 350 ට වැඩිය තියෙනවා.ඒ තෙල් මුහුදට වැටිලා වෙරළට ආවොත් එයින් වෙන හානිය පිළිබඳ කිසි කරුණක් හිතලා නැහැ.

ඊළඟට කළ යුතුව තිබුණේ අපේ මුහුදු සීමාවෙන් ඈතට මේ නැව ඇදගෙන යාමයි. නැව දියඹට ඇදගෙන යාමට අවශ්‍ය තීරණය නිසි වෙලාවෙි ගත්තේ නෑ. තීරණ ගැනීමෙි නොහැකියාව නිසා මුළු මුහුදු තීරයම විනාශ වුණා. දකුණු පළාතේ බෙන්තර, ගාල්ල දක්වාම මෙම හානිය බලපානවා. අනෙක් පැත්තෙන් හලාවත දක්වා මුහුදු තීරයට හානිය බලපාන බව ඕස්ට්‍රේලියා විශේෂඥයන් කිහිප දෙනෙක් ප්‍රකාශ කර තිබෙනවා.