ගංජාවල ආනන්දය කියන්න පාර්ලිමේන්තුවේ පොතක් බෙදලා

ලෝකේ වෙනස් වෙන විදිය, ලෝකයේ නව නිෂ්පාදන, ඒ තුළින් අතුරු නිෂ්පාදන හරහා විදේශ විනිමය ගන්න හැටි. ඔය බුද්ධිකලා වගේ ගණදෙවි පිළිම අල්ලන් මිනිස්සු මුලා කරන අයට තේරෙන්නේ නෑ. ඒ අයගේ අනුගාමිකයන්ට තේරෙන්නෙත් නෑ. තේරුම් ගත්තත් ඔවුන් මිනිස්සුන්ව දැනුවත් කරන්නේ නෑ. ඉස්සරහට යන්න නම් නව නිෂ්පාදන බෙහෙත්, විවිධ ඇඟලුම් වැනි දෑ කරලියට එන්න ඕනෑ. පැරණි යල්පැනගිය නීති වෙනස් වෙලා. ලංකාවේ ණය ගුණය වගේ හතර පස් ගුණයක් සමහර රටවල් ලබනවා. කාර්තුවකට කංසා ආශ්‍රිත නිෂ්පාදන හරහා. ඔවුන් ඒකයි ඔවුන්ගේම යල්පැනගිය නීතිවලට පයින් ගහලා අලුත් විදියට හිතලා වැඩ කරන්නේ. අපේ ළිං ගෙම්බෝ ගෙවල් වලට වෙලා එළියෙන් කිසිම දැනුමක් ලබා ගන්නේ නැතුව පරණ මානසිකත්වයෙන්ම ඉන්නවා. අපි තමා සියල්ල දත් කියලා. එක පැත්තකින් ලංකාව වගේ ආසියානු රටවල් ගොඩක් වෙලාවට පසුගාමී ආර්ථිකයක් පෙන්නුම් කරන්නේ අප්ඩේට් නොවුණු ජනතාවගේ ජීවන රටාව නිසා...

අනිත් සුබදායි කරුණ නම් කංසා හරහා රටේ තරුණ කෙල්ලෝ කොල්ලෝ අයිස්, පෙති, කසිප්පු, සිගරට්, අරක්කු, හා විවිධ හඳුනා නොගත් දරුණු ගණයේ මත්ද්‍රව්‍ය වලින් ඈත් කරන්න හැකිවීම. නීතිගත කළ රටවල්වල ආර්ථික හා සමාජීය දත්ත ලේඛන සොයා බලන්න. පැරණි සිංහලේ සෑම ගෙදරකම තිබුණු කරපිංචා හා සමානව පැළෑටියක් තමයි කංසා. සුද්දා ඒ කාලේ සිගරට් ටික විකුණා ගන්න තහනම් කළා මත්ද්‍රව්‍යයක් කියලා. කංසා හඳුන්වන්නේ හෙළ වෙදකමේ රජු හැටියට. ආයුර්වේදයේ බලගතුම ශාකය ලෙස... රැල්ලට විරුද්ධ වෙන්නේ නැතුව තොරතුරු සොයා බලා මේ දෙස බලන්න. තේ වලටත් වඩා තරග කරන්න පුළුවන් දෙයක් මේ. අනික තමයි ඔබ දන්නවාද ලෝකයේ ඖෂධීය ගුණයෙන් වැඩිම සහ ගුණාත්මක බවෙන් වැඩිම කංසා ශාකය හැදෙන්නේ ලංකාවේ පවතින පරිසර තත්වයේ බව. කිව්වට පිළිගන්න එපා. ගූගල් තියෙනවනේ ඔබම සොයන්න දැන ගන්න දැනුවත් වෙන්න. ස්වස්ති සිද්ධම්! ලංකාවට ජය!

එවන් අසිරිමත් ජාතිය ජයෙන් උදාරයි.

සමහරු ඉන්නවා. කළොත් වැඩක් අනාගන්නවා.

ඔව්, එයාගේ නමත් මන්ද බුද්ධිකනේ...

කංසා භාවිතා කරන්නන්ට භින්නෝන්මාදය, සයිකෝසියාව වැනි උග්‍ර මානසික රෝග වැළඳීමේ අවදානම වැඩියි. ඊට අමතරව කන්සා භාවිතා කරන්නන් වෙනත් මත්ද්‍රව්‍යවලට හුරුවීමේ අවදානමත් වැඩියි. මෙම අවදානම තරුණයන්ට හා ළමයින්ත්ට වඩාත් බලපානවා. කරුණාකර අපේ තරුණ පරපුර මානසික රෝගීන් බවට පත් කිරීමට කෙලින්ම හෝ වක්‍රව දායක වන්න එපා.

ශුවර් එකටම ගංජාබොන ඇමැතියෙක් හරි මන්ත්‍රීවරයෙක් හරි වෙන්න ඕනෑ. ඔය පොත පාර්ලිමේන්තුව ඇතුළට ගේන්න ඇත්තේ..

කිසිම මත් ද්‍රව්‍යයක් පාවිච්චි නොකළත්, මනෝ විකාරෙන් ජීවත් වෙන ජනතාවක් සිටින රටකට ගංජා සුරුට්ටුත් නීතිගත කළොත් නියමෙටම තියේවි... කාන්තාවකට බියර් එකක් මිලදී ගන්න බැරි රටේ පිරිමි ගංජා උරන්න අයිතිවාසිකම් ඉල්ලනවා. යුරෝපය ඇතුළු දියුණු රටවල වයින් බෝතලය කෑම මේසයේ තිබීම සාමාන්‍ය දෙයක්... ගැහැණු පිරිමි භේදයකින් තොරව වයින් වීදුරුවක් පානය කර ආහාර ගැනීම සම්ප්‍රදායක්... ලංකාව වැනි උණුසුම් දේශගුණයක් පවතින රටක බියර් වීදුරුවක් බොන්නවත් බොහෝ අයට පිනක් නැහැ. කාන්තාවක් බියර් ටිකක් බොනවා දැක්කොත් සමහර පිරිමින්ගේ ඇස් නලියනවා. සමහර අය කංසා වල ඖෂධීය ගුණ වයනවා. ඔය ඖෂධ අධි මාත්‍රාවකින් ලබා ගත්තොත්, ශරීරයට, මොලයට හා ස්නායුවලට වෙන හානිය ආයේ අමුතුවෙන් කියන්න ඕනැද?

මේක ප්‍රධාන මාතෘකාවක්ද? රටේ දැවෙන ප්‍රශ්න ගොඩක් තියෙනවා.

ලෝකයේ දුප්පත්, ඒ වගේම දූෂණ වලින් ඉහවහාගිය රටවල්වල මත්ද්‍රව්‍ය භාවිතයට "රාජ්‍ය අනුග්‍රහය" දෙනවා කියලා ඔයගොල්ලෝ අහලා තියෙනවද? එය සහතික ඇත්ත... එවැනි රටවල "කාර්නිවල්" වැනි වාර්ෂික උත්සව රාශියක් වසරකට පවත්වනවා. ඒ මොහොතේ ජීවත්වන රටවැසියන්ට මේ අවස්ථාව දිව්‍ය ලෝකේ ගියා වගේ... මිනිස්සුන්ට තම හිසමත ඇති ප්‍රශ්න අමතක වෙනවා. දකුණු ඇමෙරිකාවේ රටවල්, ඒ වගේම කියුබාව... මේ හැම රටකම කාර්නිවල් වගේ උත්සව රාශියක් පවත්වනවා. රට වැසියන් ඒ දවස්වලට ජීවත්වන්නේ දිව්‍ය ලෝකේ පාවි පාවී. ඉතින් අපේ පාලකයිනුත් මේ හදන්නේ ගංජා භාවිතයට අපේ රටේ මිනිසුන්ට අවසරදීලා මිනිසුන්ගේ අවධානය වෙන පැත්තකට යොමුකරලා රටේ ඉතිරි ටිකත් කොල්ල කා ගන්නද කියලා හිතුවොත් වැරදි නැහැ නේද...?

ගංජා සහ බෙදාහැරීමේ ඇමති කෙනෙක් පත් කරමු.

ගංජා බිස්නස් කාරයන්ට අහුවී ඇති බව ප්‍රතිචාරවලින් මනාව පිළිබිඹු වේ.