(හේමපාල ලියනගේ සහ තරංග ගුණරත්න)

අකුරැස්ස පානදුගම ප්‍රදේශයේ සහ නාගොඩ ප්‍රදේශයේ පහත් බිම් පිටාර ගැලීමෙන්  ජලගැලීම් තත්ත්වයක් හට හටගත් බව ආපදා කළමනාකරණ මධ්‍යෂ්ථාන කියයි.

ගිංගඟ පෝෂණ කලාපවලට සිකුරාදා 21) රාත්‍රීයේ ඇදහැළුනු ධාරානිපාත වර්ෂාව හේතුවෙන් ගිං ගඟ පිටාරගලා නාගොඩ, මාපලගම, උනන්විටිය සහ උඩුගම ආදී ප්‍රදේශ රැසක පහත්බිම් සහ මාර්ග ජලයෙන් යටවී ඇතැයි දිස්ත්‍රික් ආපදා කළමනාකරණ මධ්‍යස්ථානය කියයි. 

මාපලගම - ඇල්පිටිය මාර්ගයේ මාපලගම මංසන්ධිය අසල, මාපලගම ගෝනලගොඩ ,මාපලගම පනංගල මර්ගයේ ස්ථාන කීපයකින්ද නාගොඩ උඩුගම මාර්ගය නාගොඩ බද්දෙගම මාර්ගය ස්ථාන කීපයකින් ද  ජලයෙන් යටවී ඇත.

මීට අමතරව ග්‍රාමීය මාර්ග රැසක් ජලයෙන් යටවී ඇත. අද 22 උදෑසන වන විටත් ගංවතුරු මට්ටම සීඝ්‍රයෙන් ඉහලයමින් පවතින අයුරු දැකගත හැකිවිය.

අපොස උසස්පෙළ විභාගයට යන සිසුනට යම් ගමනා ගමන අපහසුතාවකයක් වන්නේ නම් ඊට ගමන් පහසුව සැලසීමට නාවික හමුදාව සහ තවලම ආපදා කළමනාකරණ කමිටුව සූදානමින් සිටිති.

ගමන් අපහසුවක් ඇති දරුවන් සිටී නම් වාහාම  ග්‍රාම නිළධාරී දැනුවත් කරන ලෙස දැනුම් දෙයි.  

තද වැසිත් සමග  හමා ගිය දැඩි සුළඟකින්  නාගොඩ  බෝවිටියමුල්ල ප්‍රදේශයේ අධි බලැති විදුලි රැහැන් පද්ධතියට විශාල ගසක් කඩා වැටීම නිසා  ගාල්ල මාපලගම සම්පූර්ණයෙන් අවහිරවි විය.  ප්‍රදේශවාසින් පොලිසිය හා එක්ව ගමනා ගමනයට පහසුකමු සැළසීමට කටයුතු කළේය. 

මේ අතර අකුරැස්ස පානදුගම ප්‍රදේශයේ ජලගැලීම් තත්ත්වයක් හටගෙන තිබුණි. ඒ සමග ගමනාගමන කටයුතුවලට බාධා පැමිණ තිබේ.

මෙහිදී මෙවර උසස් පෙළ විභාගයට ඉදිරිපත් වන දරුවන්ට බාධාවකින් තොරව අදාල විභාග මධ්‍යස්ථානය වෙත යාමට අවශ්‍ය ප්‍රවාහන පහසුකම් සලසා දීම සදහා යුද හමුදා බෆර් රථ යොදා ගැනීමට කටයුතු කොට තිබේ

ඡායා තරංග ගුණරත්න)