(අංජුල මහික වීරරත්න)

ශ්‍රී ලංකාවේ කෘෂිකාර්මික අංශය ඉහළ නැංවීමට නම් දැනට භාවිතා කරන සාම්ප්‍රදායික කෘෂි දැනුම වෙනුවට නව කෘෂි තාක්ෂණය භාවිතා කළ යුතු යැයි ජාත්‍යන්තර සංවර්ධනය සඳහා වන එක්සත් ජනපද නියෝජිතායතනය (USAID) පවසයි.

ජාත්‍යන්තර සංවර්ධනය සඳහා වන එක්සත් ජනපද නියෝජිතායතනය USAID නියෝජිතයින් සහ කෘෂිකර්ම අමාත්‍ය මහින්ද අමරවීර මහතා ඇතුළු අමාත්‍යාංශයේ නිලධාරීන් අතර සාකච්ඡාවකදී මෙම කරුණු අනාවරණය විය.

ගොවි ජනතාවට නව කෘෂි තාක්ෂණය හඳුන්වා දීම සඳහා සහයෝගය ලබා දෙන ලෙස කෘෂිකර්ම  අමාත්‍යවරයා ඉල්ලීමක් කළ අතර ඊට ප්‍රතිචාර දක්වමින් ජාත්‍යන්තර සංවර්ධනය සඳහා වන එක්සත් ජනපද නියෝජිතායතනයේ නියෝජිතයින් කීවෙි ලෝකයේ දියුණුම කෘෂි තාක්ෂණය ශ්‍රී ලංකාවට හඳුන්වා දීමට තම ආයතනය තීරණය කර ඇති බවයි. ශ්‍රී ලංකාවේ කෘෂි අංශය නවීකරණය සඳහා මෑතක දී ගෙන ඇති ක්‍රියාමාර්ග අගය කරන බවත්  ඔවුහු සඳහන් කළහ.