(නාලක සංජීව දහනායක)
රාජ්ය සේවකයන්ගේ වැටුප් වැඩිකිරීම ඇතුළු පහසුකම් පුළුල් කිරීමට නම් රාජ්ය සේවකයන් කැපවී ක්රියාකළ යුතු බව ජනාධිපති ගෝඨාභය රාජපක්ෂ මහතා අද (19) පැවැසීය.
මහජනතාව දහඩිය මහන්සියෙන් උපයනු ලබන මුදලින් රාජ්ය සේවකයන් සඳහා වැටුප් ගෙවන බව කී ජනාධිපතිවරයා එබැවින් කාර්යක්ෂම හා විධිමත් රාජ්ය සේවයක් ලබාදෙමින් මහජනතාවට සාධාරණය ඉටු කිරීම රාජ්ය සේවකයාගේ වගකීම වියයුතු යැයිද කීය.
දිවයින පුරා සිටින රැකියා අපේක්ෂිත උපාධිධාරීන් නියෝජනය කරමින් පැමිණි පිරිසක් සමඟ ජනාධිපති ලේකම් කාර්යාලයේදී අද (19) පස්වරුවේ පැවැති සාකච්ඡාවකදී ජනාධිපතිවරයා සඳහන් කර සිටියේ සුළු පිරිසක් සිදුකරන වැරදි හේතුවෙන් සමස්ත රාජ්ය සේවයම අවඥාවට ලක්ව ඇති බවද පෙන්වා දුන්නේය.
රැකියා අපේක්ෂිත සියලු උපාධිධාරීන් ජාතික ආර්ථිකයට ඍජුව දායක කර ගැනෙන පරිදි කඩිනමින් රජයේ රැකියා සඳහා පත්කරන බව කී ජනාධිපතිවරයා රාජ්ය, අර්ධ රාජ්ය සහ දෙපාර්තමේන්තුවල පවතින පුරප්පාඩු පිළිබඳව තොරතුරු රැස්කර පුරප්පාඩු සඳහා කඩිනමින් උපාධිධාරීන් බඳවා ගන්නා බවද සඳහන් කළේය.
සියලුම රැකියා ලාභීන්ට නායකත්වය හා රාජ්ය සේවය පිළිබඳව විධිමත් පුහුණුවක් සහ අවබෝධයක් ලබාදෙමින් ජනතාවට වගකියන රාජ්ය සේවයක් හා රාජ්ය සේවකයෙක් බිහිකර ගැනීම තම අරමුණ බවද ජනාධිපතිවරයා එහිදී පැවැසීය.
රටක ඉදිරි ගමනට ඇති විශාලම ශක්තිය මානව සම්පත බව කී ජනාධිපතිවරයා මෙරට බුද්ධිමත් තාරුණ්යය නිසි ලෙස කළමණාකරණය කරගනිමින් ආර්ථික වර්ධනයට දායක කරගැනීමේ අවශ්යතාවයද පෙන්වා දුන්නේය.
සෙසු රටවලට සාපේක්ෂව ශක්තිමත් පදනමක් සහිත කර්මාන්ත මෙරට ගොඩනැගී නැති බවත් රටට විදේශ විනිමය උපයාදෙන ප්රධානතම සාධකය බවට නුපුහුණු ශ්රමිකයන් පත්ව තිබෙන බවද ජනාධිපතිවරයා අවධාරණය කළේය.
අනාගතයේදී මෙරට සියලුම දරුවන් රටේ ආර්ථිකයේ කොටස්කරුවන් බවට පත්කර ගැනීමේ අධ්යාපන ක්රමයක් සැළසුම් කෙරෙමින් තිබෙන බවද ජනාධිපතිවරයා කීය.
එමෙන්ම ලොව සෙසු රටවල රැකියා අවස්ථාවන්ට ගැළපෙන ආකාරයෙන් අධ්යාපන ක්රමය සකස් කළ යුතු බව කී ජනාධිපතිවරයා තරුණ තරුණියන් රුකියා සොයා යනවා වෙනුවට රුකියා අවස්ථා තරුණ තරුණියන් සොයා එන අධ්යාපන රටාවක් කඩිනමින් ස්ථාපිත කළ යුතු බවද සඳහන් කළේය.
ෂෙහාන් සේමසිංහ, ජානක වක්කුඹුර, කංචන විජේසේකර, කනක හේරත් යන රාජ්ය අමාත්යවරුන්ද, නිරෝෂන් ප්රේමරත්න, ඩී.වී චානක, තේනුක විදානගමගේ යන පාර්ලිමේන්තු මන්ත්රීවරුන්ද, ජනාධිපති ලේකම් ආචාර්ය පී.බී ජයසුන්දර මහතාද මෙම අවස්ථාවට සහභාගි වූහ.
පරිසර වායුගෝලයෙන් ජලය නිපදවීමේ යන්ත්රයක් නිර්මාණය කිරිමට අනුරාධපුර තඹුත්තේගම සෝලම පදිංචි, මේ වන විට නව නිපැයුම් 30කට වැඩි ප්රමාණයක් නිර්මාණය කර ඇති
මත්ද්රව්ය ජාලයට එරෙහිව සිදුකරනු ලබන මෙහෙයුම් නිසා තමාට අමාත්යධූරයෙන් ඉවත්වන ලෙස මත්ද්රව්ය ජාවාරම්කරුවන් සමග සබදතා පවත්වන ඇතැමුන් බලපෑම් කරන බ
වීසා අර්බුදය සම්බන්ධයෙන් සාකච්ඡා කිරීමට මහජන ආරක්ෂක අමාත්යංශයේ ලේකම්වරයා සහ ආගමන විගමන පාලකවරයා රජයේ මුදල් පිළිබඳ පාර්ලිමේන්තු කාරක සභාවට හෙට කැඳ
ණය ප්රතිව්යුහගත කිරීමේ සමස්ත ක්රියාවලිය සාර්ථක කර ගැනීමෙන් ශ්රී ලංකාවේ ණය බර එක්සත් ජනපද ඩොලර් බිලියන 17කින් පමණ අඩු කර ගත හැකි වනු ඇති බව විදේශ අමා
මිනිසුන් විසි දහසකට ආසන්න පිරිසක් වෙනුවෙන් නොමිලයේ එළවළු ලබා දීමේ ’’එළවළු දන්සැලක්’’ මහරගම පන්නිපිටිය ප්රදේශයේ අද (08) දින පැවැත්විණි.
බිංගිරිය කර්මාන්ත කලාපයේ යටිතල පහසුකම් සංවර්ධන කටයුතු මෙම වසර අවසන් වීමට පෙර නිම කරන ලෙස ජනාධිපති රනිල් වික්රමසිංහ මහතා නිලධාරීන්ට උපදෙස් දුන්නේය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කාර්යක්ෂම - විධිමත් රාජ්ය සේවයක් ලබාදීම රාජ්ය සේවකයාගේ වගකීමක්