(රොමේෂ් මධුෂංඛ)

කිලිනොච්චිය, භාරතීපුරම් ප්‍රදේශයේ පෙරපාසලක දරුදැරියන්ට ලබා දුන්  කිරි වර්ගයක් පානය කළ  දරු දැරියන් 12 දෙනකු  රෝහල් ගතකොට ඇතැයි කිලිනොච්චිය රෝහල් වෛද්‍යවරයෙක් පැවැසීය.

භාරතීපුරම් ප්‍රදේශයේ පෙරපාසලේ දරු දැරියන් වෙත වැඩසටහනක් අතරතුර ලබාදුන් රස කළ දියර කිරි වර්ගයක් පානය කිරීමත් සමඟ දරුවන්ට ක්ලාන්තය , වමනය සහ බඩ රිදුම් ඇතැළු විවිධ ආසාත්මික රෝගී තත්වයක් හටගැනීමෙන් අනතුරුව මෙලෙස රෝහල්ගත කිරීමට පියවර ගෙන තිබුණි.

කිලිනොච්චිය රෝහල් ආරංචි මාර්ග වැඩිදුරටත් පැවසූයේ රෝගීවූ දරු දැරියන්ගේ තත්ත්වය බරපතළ නොවන බවටත් ඔවුන් තවදුරටත් කිලිනොච්චිය රෝහලේ නේවාසිකව ප්‍රතිකාර ලබන බවත්ය.