( පද්මසිරි ගාර්දියවසම් )  

කටුවන - වලස්මුල්ල ප්‍රධාන මාර්ගයේ දහතුනේ කණුව ආසන්නයේදී කැබ් රථයක් අනතුරට ලක්වීමෙන් එහි ගමන් ගත්  හත්දෙනෙකු තුවාල ලබා ඇතැයි කටුවන පොලිසිය පවසයි .

අද  (26) අලුයම 3.40 ට පමණ මෙම අනතුර සිදුවී තිබේ . 

 මාකදුර බැරගම සංරයිස් තේ කම්හලේ සේවය කල සේවිකාවන් එකලොස් දෙනෙකු කටුවන බලා ප්‍රවාහනය කරමින් සිටියදී රියදුරුට නින්ද යාම නිසා කැබ් රථය පෙරලී මෙම අනතුර සිදුවී ඇතැයි පොලිසිය කියයි

අනතුරින් කැබ් රියේ සිටි කාන්තාවන් හය දෙනෙකු සහ රියදුරු තුවාල ලබා තිබේ . 

 තුවාල කරුවන් කටුවන රෝහලට ඇතුළත් කිරීමෙන් පසු ඉන් පස් දෙනෙකු වැඩිදුර ප්‍රතිකාර සදහා ඇඹිලිපිටිය මූලික රෝහලට මාරුකර යවාඇත