(සුජිත් හේවාජුලිගේ සහ  අංජුල මහික වීරරත්න)

අයවැය දිනවීමට "කපුටා' ළඟදීම නැවතත් ලංකාවට එන බව ආරංචි යැයි සමගි ජන බලවේගය පක්ෂයේ පුත්තලම දිස්ත්‍රික් මන්ත්‍රී නිරෝෂන් පෙරේරා මහතා පාර්ලිමේන්තුවේදී අද පැවසීය.

"අපි බලමු එයා ඇවිල්ලා මොනවද කරන්නේ කියලා" යැයිද  ඔහු ප්‍රකාශ කළේය.

මේ රටේ බොහෝ දේශපාලනඥයන්ගේ ඔළුවේ තියෙන්නේ ජනාධිපතිතුමාට බැඳලා හෝ ඇමති ධුරයක් ලබාගෙන කොහෙන් හෝ සල්ලි ටිකක් යටි මඩි ගසා ගැනීම බවද  හෙතෙම සඳහන් කළේය.

මන්ත්‍රීවරයා මෙසේ පැවසුවේ අයවැය විසර්ජන පනත් කෙටුම්පත පිළිබඳ දෙවැනි වර කියවීමේ විවාදයේදීය.